काठमाडौं। निर्जीवन बीमा कम्पनीहरुले व्यवसाय ८.९१ प्रतिशतले बढाएका छन्।

नेपाल बीमा प्राधिकरणका अनुसार ४ वटा माइक्रोसहित डेढ दर्जन कम्पनीले चालु आर्थिक वर्ष ८ महिनामा २८ अर्ब ६० करोड रुपैयाँ प्रिमियम आर्जन गरेका हुन।

पोहोर ८ महिनामा निर्जीवन बीमा कम्पनीले २६ अर्ब २६ करोड रुपैयाँ बीमा शुल्क आर्जन गरेका थिए।

११ वटा कम्पनीले व्यवसाय बढाएका छन्। शिखर इन्स्योरेन्सले सर्वाधिक ४ अर्ब १ करोड रुपैयाँ बीमाशुल्क आर्जन गरेको छ। राष्ट्रिय बीमा कम्पनी, युनाइटेड अजोड र प्रभु इन्स्योरेन्सको व्यवसायमा गिरावट आएको छ।

निर्जीवन बीमा कम्पनीले दुई आर्थिक वर्षको ८ महिनामा आर्जन गरेको बीमा शुल्क रु लाखमा

नयाँ पोलिसीको बिक्री बढ्दा कम्पनीहरुको व्यापारमा सुधार आएको हो। फागुनसम्म इन्स्योरेन्सले बीमा पोलिसी बिक्री ५.६८ प्रतिशतले बढाएका छन्।

गत वर्ष ८ महिनामा १९ लाख ६२ हजार बीमा लेख बिक्री गरेका कम्पनीले यस वर्ष सोही अवधिमा २० लाख ७३ हजार बीमालेख बिक्री जारी गरेको प्राधिकरणले जनाएको छ।