विश्लेषकहरूका अनुसार आगामी दिनमा कच्चा तेलको मूल्य प्रति ब्यारेल ११० अमेरिकी डलरदेखि माथि पुग्न सक्छ। साथै, सुनको मूल्य पनि प्रति औंस ४ हजार ६०० अमेरिकी डलर नाघ्ने सम्भावना बढेको छ।

विश्व बजारमा ऊर्जा र बहुमूल्य धातुको यो उतारचढावले ’कमोडिटी इकोनोमी’लाई प्रत्यक्ष असर पार्ने बताइएको छ। यसको सिधा असर आयातमा निर्भर नेपालजस्ता विकासोन्मुख मुलुकमा समेत पर्छ।

संसारको कूल तेल आपूर्तिको झन्डै २० प्रतिशत हिस्सा ओगट्ने स्ट्रेट अफ हर्मुजमा अवरोध जारी छ। कहिले खुल्ने र कहिले बन्द हुने परिदृश्य र पूर्णरुपमा यो मार्ग खुल्न नसकेको अवस्थामा इन्धनको मूल्य थप आकासिने खतरा रहेको छ।

यससँगै इजरायलमा बहुमत जुटाउन राजनीतिक खिचातानी जारी छ। र, अमेरिकाको मध्यावधि निर्वाचनको नतिजाले पनि खाडी क्षेत्रको रणनीति तय गर्ने भएकाले कमोडिटी बजार ’पर्ख र हेर’ को स्थितिमा छ।

त्यति मात्र होइन फ्रान्स र इटालीमा देखिएको नीतिगत अनिश्चितताका कारण युरोपेली युनियनको ‘ग्रिन इनर्जी’ नीतिको भविष्य दोधारमा परेको छ। यसले गर्दा सोलर प्यानल र नवीकरणीय ऊर्जामा प्रयोग हुने चाँदीको औद्योगिक मागमा ठूलो उतारचढाव आएको छ।

यिनै विषय समेटेर तयार पारिएको भिडियो एक्सप्लेनर

The post अमेरिका र इजरायलको निर्वाचन परिणामले कसरी तय हुनेछ तेलदेखि सुनको भविष्य? appeared first on BIZMANDU.

समसामयिक विषयमा छलफलका लागि शर्मा बैठक बोलाएका हुन्।

विचौलिया इनम सापकोटासँग प्रधानन्यायाधीश शर्मा र अर्का न्यायाधीश हरिप्रसाद फुयालको सम्पर्क रहेको विवरण बाहिरिएपछि शर्माले सवै न्यायाधीशलाई छलफलका लागि बोलाएका हुन्।

विचौलिया सापकोटासँगको भेट र चिनजानलाई अस्वीकार गर्दै शर्माले बिहीबार नै वक्तव्य निकालेका थिए।

यस्तै, ह्वाट्सएप सञ्चार बाहिरिएका अर्का न्यायाधीश हरिप्रसाद फुयालले भेट र चिनजान स्वीकार गरे पनि आफूले निष्ठामा रहेर काम गरेको दाबी गरेका छन्। फुयालले उक्त प्रकरणको निश्पक्ष छानबिनको माग पनि गरेका छन्।

फुयालसँगै इजलास सेयर गरेका अर्का न्यायाधीश श्रीकान्त पौडेलले पनि विज्ञप्ति जारी गर्दै प्राप्त तथ्य प्रमाणका आधारमा मुद्दामा आदेश गरेको भन्दै विवादित व्यक्तिसँग आफ्नो कुनै सरोकार नरहेको बताएका छन्।

The post विचौलियासँग प्रधानन्यायाधीश र न्यायाधीशको नाम जोडिएपछि शर्माले बोलाए फूलकोर्ट appeared first on BIZMANDU.

कीर्तिपुरस्थित टीयू क्रिकेट मैदानमा टस हारेर ब्याटिङमा उत्रिएको विराटनगरले निर्धारित २० ओभरमा ७ विकेट गुमाउँदै १८६ रन बनाएको थियो। यो स्कोर जारी सिजनको सबैभन्दा ठूलो स्कोर थियो। तर, कर्णालीले यसलाई पछ्याएर नतिजामा बाजी मार्‍यो। विशाल लक्ष्य लिएर जवाफी ब्याटिङमा उत्रिएको कर्णालीले अन्तिम बल बाँकी छँदा ६ विकेट गुमाएर लक्ष्य भेट्टायो। अन्तिम २ बलमा २ रन चाहिएकोमा कर्णालीका सोमपाल कामी र गुल्सन झाले टिमलाई लक्ष्यसम्म पुर्‍याएरै छाडे।

विराटनगरले यसअघि पहिलो खेलमा पनि मोमेन्टम आफ्नो पक्षमा बनाइ सकेर पनि पराजय ब्यहोर्न पुगेको थियो। पहिलो खेलपछि सन्दीप लामिछानेले चाँडै जित मान्दा पराजय ब्यहोर्नुपरेको बताएका थिए। पहिलो खेलमा चितवनसँग हार ब्यहोरेको विराटनगर लगातारको हारले दवाबमा आएको हो।

कर्णालीका लागि सोमपाल कामीले सर्वाधिक अविजित ६२ रन बनाउँदा गुल्सन झाले अविजित २८ रन बनाए। त्यसअघि पवन सर्राफले ३६ तथा अरिफुल इस्लामले ३२ रन बनाएका थिए।

बलिङमा विराटनगरको एनगेलो म्याथ्युजले ३ विकेट लिँदा सन्दीप लामिछाने, प्रतिश जिसी र चरिथ असलंकाले समान १ विकेट लिए। खेलपछि विराटनगरका कप्तान सन्दीप लामिछानेले फिल्डिङमा धेरै गल्ती भएको स्वीकारे। ‘मलाई लाग्छ प्रतियोगिताको सबै क्याच आजै ड्रप भए जस्तो भयो,’ उनले भने, ‘क्रेडिट सोमपाल दाइलाई पनि दिनुपर्छ। उहाँले पहिला पवनसँग र पछि गुल्सनसँग मिलेर पोजेटिभ नोटमा फिनिस गर्नुभयो।’

आजको रोमाञ्चक खेलमा सुरुमा टस हारेर ब्याटिङमा उत्रिएको विराटनगरले निर्धारित २० ओभरमा ७ विकेट गुमाउँदै १८६ रन बनाएको थियो।

यो एनपीएलको जारी संस्करणमा बनेको सबैभन्दा ठूलो स्कोर हो। यसअघि दोस्रो खेलमा चितवन राइनोजले विराटनगरविरुद्ध १५७ रनको लक्ष बनाएको थियो।

जारी संस्करणमा टीयू क्रिकेट मैदानमा ब्याटरहरुले रन बनाउन संघर्ष गरिरहँदा विराटनगरका ओपनर लोकेश बमले भन्दै अलग अन्दाजमा ब्याटिङ गरे। उनले ५२ बलमा ९ छक्का र ३ चौका चौकाको सहायतामा ८७ रन बनाए। त्यस्तै, विस्फोटक ब्याटर आन्द्रे रसेलले १४ बलमा २७ रन बनाउँदा  एनगेलो म्याथ्युजले ३१ रन बनाए।

बलिङमा सोमपाल कामीले ४ विकेट लिँदा मार्क वाटले १ विकेट लिए।

शुक्रबार एनपीएलमा कुनै खेल छैनन्। अब शनिबार लिगका दुई खेल हुनेछन्।

The post हातमा आएको खेल फेरि गुमायो विराटनगरले, रोमाञ्चक प्रतिस्पर्धामा कर्णालीको जित appeared first on BIZMANDU.

आधिकारिक वितरक पायोनियर मोटोकर्पले काठमाडौं, चितवन, बिर्तामोड, बुटवल र विराटनगरमा नयाँ अर्बन एसयूभी चेरी क्यूको डेलिभरी औपचारिकरूपमा सुरु गरेको बताएको छ।

विभिन्न पाँच शहरमा डेलिभरी सुरु हुनुले ग्राहकमाझ सवारीसाधन सहजरूपमा उपलब्ध गराउने कम्पनीको प्रतिबद्धता प्रतिबिम्बित भएको कम्पनीको भनाइ छ।

चेरी क्यूमा ४१.२ किलोवाट क्षमताको ब्याट्री, ४०० किलोमिटर रेन्ज, ५४० डिग्री क्यामेरा, १८५ एमएम ग्राउन्ड क्लियरेन्स, विद्युतीयरूपमा सञ्चालित ७० लिटरको फ्रङ्क स्पेस, १५.६ इन्चको टचस्क्रिन इन्फोटेनमेन्ट सिस्टम, २० भन्दा बढी एडास सुविधा छन्।

The post विद्युतीय एसयूभी चेरी क्यूको डेलिभरी सुरु, पायोनियर मोटोकर्पले दिन थाल्यो ५ शहरका ग्राहकलाई appeared first on BIZMANDU.

पहिलो चरणमा १४ वटा नयाँ विद्युतीय गाडी किनेर चलाउन थालेको छ। भाटभटेनीका अध्यक्ष मीनबहादुर गुरुङले फोटोनका १४ वटा नयाँ विद्युतीय गाडी किनेर संचालनमा ल्याएको जानकारी दिए। भाटभटेनीले ढुवानीका लागि १६३ वटा गाडी प्रयोग गर्दै आएको छ।

गुरुङले विश्वव्यापी तापक्रम वृद्धि र जलवायु परिवर्तनका असरलाई गम्भीर रूपमा लिनुपर्ने अवस्था आएको बताए। रसुवामा आएको बाढीजस्ता प्राकृतिक विपद्ले वातावरण संरक्षणको आवश्यकता झन् स्पष्ट पारेको उनको भनाइ छ।

‘ग्लोबल वार्मिङको विषयमा अब सबै जना गम्भीर भएर लाग्नुपर्ने अवस्था आएको छ। नेपालमा हरित ऊर्जा उत्पादन भइरहेको छ। त्यसलाई प्रयोगमा पनि ल्याउनुपर्छ। यसले वातावरण संरक्षणमा सहयोग गर्छ। हाम्रो उद्देश्य पनि वातावरण जोगाउनु नै हो,’ उनले भने।

उनका अनुसार विद्युतीय गाडी प्रयोग गर्दा वातावरण संरक्षणसँगै ढुवानी लागत पनि घटाउन सकिन्छ। अहिले डिजेलबाट चल्ने गाडीको इन्धन तथा सञ्चालन खर्च महँगो हुँदा सामान ढुवानीको लागत बढिरहेको छ।

‘भैरहवाबाट काठमाडौं सामान ल्याउन २५/२६ हजार रुपैयाँसम्म डिजेल खर्च लाग्छ। यस्तो अवस्थामा ढुवानी लागत घटाउन विद्युतीय गाडी प्रभावकारी हुन सक्छन्,’ उनले भने।

ढुवानी खर्च घट्दा किसान र उपभोक्ता दुवैलाई राहत पुग्ने गुरुङको भनाइ छ। उनले भैरहवा वा जनकपुरमा किसानले प्रतिकिलो १० रुपैयाँमा बिक्री गर्ने तरकारी काठमाडौं आइपुग्दा प्रतिकिलो ५० रुपैयाँसम्म पुग्ने अवस्था रहेको बताए।

ढुवानी लागत घटाउन सके किसानले पाउने मूल्य र उपभोक्ताले तिर्नुपर्ने मूल्यबीचको अन्तर कम गर्न सहयोग पुग्ने उनको अपेक्षा छ।

‘वातावरण संरक्षणका लागि मात्रै होइन, विद्युतीय गाडीको सञ्चालन खर्च पनि कम हुन्छ। ढुवानी लागत घटाउन सकियो भने किसानलाई थप राहत दिन र उपभोक्तालाई सस्तोमा सामान उपलब्ध गराउन सकिन्छ,’ उनले भने।

The post भाटभटेनीमा सामान ढुवानी गर्ने सवारी साधन अब विद्युतीय हुने, १४ वटा गाडीबाट सुरुवात appeared first on BIZMANDU.

उच्च स्रोतका अनुसार प्रधानमन्त्री बालेन्द्र शाहको सचिवालयको निर्देशनमा रजौरियालाई नियन्त्रणमा लिइएको हो। उनलाई काठमाडौं ल्याइँदै गरेको स्रोतले बतायो। उनलाई जरुरी पक्राउ पुर्जी दिएर नियन्त्रणमा लिइएको हो।

‘हामीलाई काठमाडौं प्रहरी परिसरबाट अनुसन्धान गर्नु पर्नेछ भन्दै रजौरियालाई नियन्त्रणमा लिन भनियो। त्यही आधारमा नियन्त्रणमा लिएर काठमाडौं पठाएका हौं,’ जिल्ला प्रहरी कार्यालय महोत्तरीका एक अधिकृतले बिजमाण्डूसँग भने।

ऊर्जा र सिँचाइ तथा जलस्रोतमन्त्री विराजभक्त श्रेष्ठ विदेश रहेको अवस्थामा रजौरिया पक्राउ परेका छन्। विराजभक्त गत मंगलबारदेखि थाइल्याण्डको बैंककमा छन्। उनले गत असोज ५ गते रजौरियालाई विभागको महानिर्देशक बनाएका थिए।

स्रोतका अनुसार बालेनको सचिवालयले सुनकोशी मरिण डाइभर्सनको ठेक्का प्रक्रिया रद्द गर्न दिएको दबाब दिएको थियो। रजौरियाले भने विधि र प्रक्रियाविपरीत ठेक्का रद्द गर्न नमिल्ने जवाफ दिएका थिए।

सुशीला कार्कीको सरकारका ऊर्जामन्त्री कुलमान घिसिङले पटेल-रमणजेभीसँगको ठेक्का सम्झौता तोडेपछि विभागले नयाँ ठेक्का प्रक्रिया अगाडि बढाएको थियो।

नयाँ ठेक्काका लागि निकालेको अन्तर्राष्ट्रिय बोलपत्रमा ६ वटा कम्पनीले आवेदन दिएका थिए। तीमध्ये तीनवटा कम्पनी चाइना इन्टरनेसनल वाटर एण्ड इलेक्ट्रिक कर्पोरेसन, एनएनजी-आरसीसी जेभी र सिनो हाइड्रो कर्पोरेसन योग्य देखिएका थिए।

महानिर्देशक रजौरियाको अडानसँगै विभागले कात्तिक १६ गते दिउँसो १ बजे आर्थिक प्रस्ताव खोल्ने तय भएको थियो। स्रोतका अनुसार सिँचाइ विभागका कर्मचारी सरुवामा ठूलो आर्थिक चलखेल भएको सूचनासँगै अहिले यसलाई प्रधानमन्त्री बालेनको सचिवालयले नजिकबाट हेरिरहेको छ।

कर्मचारी सरुवामा आर्थिक चलखेल भएको सूचनासँगै सिँचाइ मन्त्रालय नै पूर्वाधार विकास मन्त्रालयमा गाभ्ने समेत तयारी भएको थियो। तर, ऊर्जामन्त्री विराजभक्तले आपत्ति जनाउँदै राष्ट्रिय स्वतन्त्र पार्टी(रास्वपा) सभापति रवि लामिछानेलाई भेटेर गुनासो गरेका थिए। त्यसपछि रविले नै प्रधानमन्त्री बालेनसँग छलफल गरेर होल्ड गरेका थिए।

आयोजनाको सुरुङको काम सकिए पनि बाँध, विद्युतगृह र अन्य संरचनाको काम भने १० प्रतिशत मात्रै भएको छ। मधेशका पाँच जिल्लामा सिँचाइ विस्तार गर्ने उद्देश्यसहित यो आयोजना अघि बढाइएको थियो।

The post सुनकोशी मरिणको ठेक्का प्रक्रिया रद्द गर्न नमान्दा सिँचाइ महानिर्देशक प्रहरी नियन्त्रणमा, काठमाडौं ल्याइँदै appeared first on BIZMANDU.

मन्त्रालयले गत आर्थिक वर्षका लागि लाग्ने कर, शुल्क तथा दस्तुर बुझाउने म्याद असोज मसान्तबाट पुस मसान्तसम्म थप गरेको हो।

‘कम्पनी ऐन, २०६३ बमोजिम दर्ता भएका कम्पनीले सम्बन्धित कानुनले तोके बमोजिम म्यादभित्र विवरण पेस नगरेको, नवीकरण नगरेको वा दाखिल गर्नुपर्ने कर, शुल्क, दस्तुर, ब्याज वा जरिबाना दाखिल नगरेको भएमा त्यस्ता कम्पनीले कारोबार जारी राख्न वा दर्ता खारेज गर्न चाहेमा आर्थिक वर्ष २०८२/८३ का लागि कानुन बमोजिम लाग्ने कर, शुल्क, दस्तुर तथा विवरण २०८३ पुस मसान्तभित्र पेस गरेमा सोभन्दा अघि लागेको वा लाग्ने सम्पूर्ण कर, शुल्क, दस्तुर, ब्याज वा जरिबाना मिनाहा हुनेछ,’ अर्थमन्त्री डा. स्वर्णिम वाग्लेले पठाएको प्रेस नोटमा भनिएको छ।

The post म्यादभित्र विवरण नबुझाएका कम्पनीलाई कर बुझाउने समय पुस मसान्तसम्म थपियो, जरिबाना नलाग्ने appeared first on BIZMANDU.

यो एनपीएलको जारी संस्करणमा बनेको सबैभन्दा ठूलो स्कोर हो। यसअघि दोस्रो खेलमा चितवन राइनोजले विराटनगरविरुद्ध १५७ रनको लक्ष बनाएको थियो।

जारी संस्करणमा टीयू क्रिकेट मैदानमा ब्याटरहरुले रन बनाउन संघर्ष गरिरहँदा विराटनगरका ओपनर लोकेश बमले भन्दै अलग अन्दाजमा ब्याटिङ गरे। उनले ५२ बलमा ९ छक्का र ३ चौका चौकाको सहायतामा ८७ रन बनाए। त्यस्तै, विस्फोटक ब्याटर आन्द्रे रसेलले १४ बलमा २७ रन बनाउँदा  एनगेलो म्याथ्युजले ३१ रन बनाए।

बलिङमा सोमपाल कामीले ४ विकेट लिँदा मार्क वाटले १ विकेट लिए।

कर्णाली केहीबेरमा जवाफी ब्याटिङमा उत्रिँदैछ।

The post लोकेशको सानदार अर्धशतकमा कर्णालीलाई यो सिजनको सबैभन्दा ठूलो लक्ष्य appeared first on BIZMANDU.

विभागले मतदाता नामावली अद्यावधिक गर्ने कार्यलाई प्रभावकारी बनाउन आफ्नो सूचना प्रणालीमा रहेका विवरण उपयोग गर्न दिने भएको हो।

यस सम्बन्धमा आयोग र विभागबीच बिहीबार समझदारी भएको छ। समझदारी पत्रमा आयोगका सहसचिव राजेन्द्र कुमार केसी र विभागका महानिर्देशक कृष्ण पौडेलले हस्ताक्षर गरेका छन्।

विवरण सुरक्षित आदानप्रदान तथा उपयोगका लागि आवश्यक प्राविधिक प्रणाली विकास, तथ्यांकको सुरक्षा र गोपनीयता कायम गर्ने व्यवस्था मिलाइने आयोगले जारी गरेको प्रेस विज्ञप्तिमा उल्लेख छ।

यो समझदारी कार्यान्वयनबाट मतदाता नामावलीमा शुद्धता कायम गर्न तथा निर्वाचन व्यवस्थापनसम्बन्धी कार्यमा सूचना प्रविधिको उपयोगलाई थप सुदृढ बनाउन योगदान पुग्ने आयोगको विश्वास छ।

The post मतदाता नामावली अद्यावधिक गर्न पञ्जीकरण विभागले आयोगलाई विवरण उपलब्ध गराउने appeared first on BIZMANDU.

रविले बिहीबार सिंहदरबार पुगेर सभामुखसँग करिब आधा घण्टासम्म कुरा गरी रास्वपाले आन्तरिक छानबिन गरिरहेका खगेन्द्रमाथि कारबाहीबारे चासो राखेको स्रोतले बताएको छ।

‘एक्लाएक्लै बसेर कुरा गर्नु भएको हो। लामिछाने आउने पहिला खबर थिएन। एक्कासी आएर कुरा गर्नु भएको हो। सुनारलाई कारबाहीको विषयमा चासो छ उहाँको,’ सभामुख निकट स्रोतले भन्यो।

एक जना महिलालाई हिंसा गरेको अडियो सार्वजनिक भएपछि रास्वपाले खगेन्द्रलाई सार्वजनिक कार्यक्रममा जान रोक लगाएको छ। कारबाहीका लागि रवि पक्ष तयार रहे पनि प्रधानमन्त्री बालेन्द्र शाह पक्ष तयार नभएका कारण रास्वपाले सुनारलाई पदमुक्त गर्ने सिफारिस गर्न सकेको छैन।

रास्वपाको अनुशासन आयोगले बनाएको समितिले खगेन्द्रलाई पार्टीको साधारण सदस्य नरहने गरी कारबाही गर्नका लागि सिफारिस गर्ने तयारी छ। खगेन्द्रसँग जोडिएको प्रमाण संकलनपछि समितिले बयान लिएको थियो। त्यस क्रममा खगेन्द्रले आफ्नो अडियो भए पनि तोडमोड भएको बताएका छन्।

The post खगेन्द्रलाई कारबाही गर्नेबारे रास्वपा सभापति रविको चासो, सभामुख अर्यालसँग गरे आधा घण्टा कुरा appeared first on BIZMANDU.

उनले महाधिवेशनबाट निर्वाचित पदाधिकारी तथा सदस्यलाई बिहीबार पार्टी मुख्यालय सानेपामा शपथ गराएका हुन्। महाधिवेशनबाट सभापतिमा निर्वाचित थापाले भने असोज ३१ गते नै पद तथा गोपनीयताको शपथ लिएका थिए।

शपथग्रहणलगत्तै निर्वाचन समितिका संयोजक वरिष्ठ अधिवक्ता प्रेमबहादुर खड्काले निर्वाचित पदाधिकारी तथा सदस्यहरुलाई प्रमाणपत्र वितरण गरे।

कांग्रेसको १५औं महाधिवेशन असोज १६ देखि २१ गतेसम्म काठमाडौंमा भएकामा मतगणना सम्पन्न गर्न भने एक साता लागेको थियो।

The post कांग्रेसको १५औं महाधिवेशनबाट निर्वाचित पदाधिकारी र सदस्यलाई गगनले गराए शपथ appeared first on BIZMANDU.

इनमसँग मुद्दाको विषयमा कुरा गरी होटलमा भेट्न बोलाएको ह्वाट्सएप म्यासेज बाहिरिएपछि न्यायाधीश फुयाल विवादमा तानिएका हुन्।

सम्पत्ति शुद्धीकरणको मुद्दामा थुनामा रहेका विवादास्पद व्यापारी दीपक भट्टदेखि न्याय किनबेचको आरोप लागेका पूर्वप्रधानन्यायाधीश चोलेन्द्र शमशेर जबरासँग जोडिएका इनमसँग गरेको संवाद बाहिरिएपछि न्यायाधीश फुयालमाथि छानबिनको माग उठेको छ।

सर्वोच्च अदालतका पूर्वन्यायाधीश बलराम केसीले बिचौलियासँग न्यायाधीशले मुद्दाको विषयलाई लिएर होटलमा भेट्न बोलाएको विषय निक्कै गम्भीर भएको भन्दै यस विषयमा छानबिन गर्नुपर्ने बताए।

‘अदालतमा न्याय किनबेच हुन्छ भन्ने जनगुनासो रहेका बेला बिचौलियासँग न्यायाधीशले मुद्दाको विषयमा संवाद गरी होटलमा भेट्न बोलाएको विषय गम्भीर हो। यो विषय अनुसन्धानबाट टुङ्ग्याउनुपर्ने हुन्छ। यसलाई त्यसै सेलाउन दिनु हुँदैन,’ पूर्वन्यायाधीश केसीले भने।

न्याय परिषद्का पूर्वसदस्य उपेन्द्रकेशरी न्यौपानेले विवादमा मुछिएका न्यायाधीशमाथि न्याय परिषद्‍ले अनुसन्धान गर्न सक्ने बताउँछन्।

‘उहाँको विषय मैले धेरै बुझेको छैन। तर, आधार र प्रमाण देखिन्छ भने न्याय परिषद्ले छानबिन गर्न नसक्ने भन्ने हुँदैन,’ पूर्वसदस्य न्यौपानेले भने।

सर्वोच्चका बहालवाला न्यायाधीश भ्रष्टाचारमा संलग्न भएको विषयमा छानबिन गर्ने निकाय न्याय परिषद् हो। संविधानले नै न्याय परिषद्‍लाई न्यायाधीशमाथि जाँचबुझको अधिकार दिएको छ। परिषद्ले उच्च अदालतसम्मका न्यायाधीशलाई बर्खास्त गर्न सक्ने भए पनि सर्वोच्चका न्यायाधीशलाई भने सक्दैन। सर्वोच्चका न्यायाधीशलाई संसद्‍ले महाभियोग लगाएर हटाउन सक्छ। महाभियोग प्रस्ताव दुई तिहाई बहुमतबाट पारित हुनुपर्छ।

न्यायाधीश फुयालले संवाद गरेका बिचौलिया इनम अहिले सम्पत्ति शुद्धीकरणको अनुसन्धानका लागि जिल्ला प्रहरी परिसर काठमाडौंको हिरासतमा छन्।

इनमसँग कनेक्सन देखिएका शसस्त्र प्रहरीका एआइजी बंशीराज दाहाललाई सरकारले गत असोज २३ गते बर्खास्त गरेको थियो।

के भन्छन् फुयाल?

न्यायाधीश फुयालले इनमले आफूलाई प्रतिष्ठित व्यक्तिमार्फत भेटेको स्वीकार गरेका छन्। उनले बिहीबार अपराह्न केही संचारकर्मीलाई डाकेर ‘इनमले एक मित्रराष्ट्रको राजदूतको प्रतिनिधिका रूपमा नेपालमा काम गर्छु, दूतावासमा काम गर्छु, महाभियोग लाग्न दिंदैनौं भन्दै सुरूका दुई महिना एकदम राम्रा कुरा गरे’ भनेका छन्।

फुयालका अनुसार सर्वोच्चका अरु न्यायाधीश र प्रशासकले पनि इनमसँग होटल हिमालयमा भेटेका थिए। उनले इनमलाई भेट्ने अरु न्यायाधीशको भने नाम खुलाउन चाहेनन्।

प्रधानमन्त्री, प्रधानन्यायाधीश र प्रहरी महानिरीक्षकसँग सम्बन्ध रहेको बताउँदै विवादास्पद व्यक्तिको मुद्दाबारे कुरा गरेपछि आफूलाई इनमप्रति शंका लागेको र आफूहरुले नै सूचना दिएर पक्राउ गर्न लगाएको दाबी गरेका छन्।

‘मेरो अनुरोध छ, यस विषयमा सूक्ष्म र विस्तृत अनुसन्धान होस्। म लगायत न्यायिक नेतृत्व वा अन्य न्यायाधीशलाई विवादमा ल्याउनेभन्दा एउटा व्यक्तिले विभिन्न उच्चपदस्थ व्यक्तिहरूको नाम र पहुँच प्रयोग गरेर समग्र न्यायपालिका, प्रहरी प्रशासन र अन्य प्रशासनिक निकायमा कसरी प्रभाव पार्न खोजेको रहेछ भन्ने विषयमा अनुसन्धान हुनुपर्छ,’ उनले भने, ‘हामी दोषी देखियौं भने त्यसका लागि तयार छौं। तर हामीले गरेको उजुरीकै कारण यो अनुसन्धान सुरू भएको हो भन्ने सन्दर्भ पनि बुझिदिनुपर्छ।’

The post बिचौलिया इनमसँग होटलमा न्यायाधीशहरुको सामूहिक भेट, ‘गम्भीर विषय भएकाले छानबिन गर्नुपर्छ’ appeared first on BIZMANDU.

उनले बिहीबार विज्ञप्ति जारी गर्दै इनमसँग आफ्नो प्रत्यक्ष वा परोक्ष चिनजान र सम्पर्क नरहेको बताएका हुन्। ‘ती व्यक्तिसँग मेरो प्रत्यक्ष एवं परोक्ष रूपमा चिनजान, सम्पर्कसमेत छैन। मैले कहिँकतै भेटेको पनि छैन,’ विज्ञप्तिमा भनिएको छ।

The post बिचौलिया इनमसँगको सम्बन्धलाई लिएर प्रधानन्यायाधीशको विज्ञप्ति, ‘चिनजान र सम्पर्क छैन’ appeared first on BIZMANDU.

विराटनगर ब्याटिङमा उत्रन लागे पनि कीर्तिपुरको मौसम भने प्रतिकुल बन्दै गएको छ। आजको पहिलो खेल सकिएबाटै पानी छिट्याउन सुरु गरिसकेको छ।

आज विराटनगर पहिलो जित निकाल्ने लक्ष्यका साथ मैदान उत्रँदै छ भने कर्णाली लगातार दोस्रो जितको खोजीमा हुनेछ। पहिलो खेलमा विराटनगर चितवनसँग पराजित हुँदा कर्णालीले जनकपुरलाई हराएको थियो। कर्णालीको अघिल्लो खेलमा सानदार प्रदर्शन गरेका युनिस सिंह ठकुरी र अरिफुल इस्लाममा नजर रहनेछ। अर्कोतर्फ विराटनगरमा बलिङमा सन्दीप लामिछानेसँगै ब्याटिङ अलराउण्डर आन्द्रे रसेल महत्वपूर्ण बन्न सक्छन्।

कर्णाली याक्सको प्लेइङ ११

सोमपाल कामी (कप्तान), गुल्सन झा, नन्दन यादव, दीपक डुम्रे, युनिस सिंह ठकुरी, पवन सर्राफ, युवराज खत्री, अकबर अली, अरिफुल इस्लाम, मार्क वाट, हुसैन तलत

विराटनगर किंग्सको प्लेइङ ११

सन्दीप लामिछाने (कप्तान), लोकेश बम, प्रतिस जिसी, बसीर अहमद, नरेन साउद, इमरान शेख, सुजन थपलिया, सेहान जयसूर्या, चरिथ असलंका, एन्जेलो म्याथ्युज र आन्द्रे रसेल

The post वर्षाको चुनौतीबीच कर्णालीले टस जितेर विराटनगरलाई दियो ब्याटिङको निम्ता appeared first on BIZMANDU.

जनकपुर बोल्ट्सको ट्यालेन्ट हण्टबाट यसपटक आइकोनिक खेलाडी बनेर कीर्तिपुरमा खेलिरहेका १६ वर्षे राहुलको प्रशंसा सर्वत्र छ अहिले।

उनले नेपाली र विदेशी अनुभवी खेलाडीले संघर्ष गरिरहँदा आफूलाई मैदानमा अब्बल सावित गरिरहेका छन्।

‘म चन्द्रपुरमा ट्रेनिङ गर्छु। घरबाट साथ हुन्छ,’ उनले लगातार दोस्रो खेलमा सानदार प्रदर्शनपछि भने, ‘जर्सी लगाउँदा अलग लेभलको कन्फिडेन्ट आउँछ। क्राउडले राम्रो सपोर्ट गरिरहेको छ।’

सामान्यत: ट्यालेन्ट हण्टबाट आएका खेलाडीलाई लिगमा डेब्यू गर्न पाउनु नै ‘ड्रिम’ हुने गर्छ। तर, उनी यसमा अपवाद रहे।

उनले एनपीएलमा जनकपुरको पहिलो खेलमा डेब्युमात्रै गरेनन्, पहिलो बलमै विकेटसमेत लिएका थिए।

‘ट्यालेन्ट हन्टमा ४०-५० जना थिए। त्यसमा म माथि विश्वास गर्‍यो। अझ मलाई पहिलो खेलमा विश्वास गर्नुभयो,’ उनले भने, ‘बाहिरबाट सपोर्ट एकदम राम्रो छ। आज जस्तै सबै खेलमा गर्ने लक्ष्य छ।’

पहिलो खेलमा उनले दीपक डुम्रेसँगै पाकिस्तानका अनुभवी हुसैन तलतको विकेट लिएका थिए। उनी फिल्डिङमा पनि उत्तिकै प्रभावकारी रहे। उनले दुईवटा क्याच लिए।

आफ्नो स्पेल बलिङ गर्दा उनले मात्रै १५ रन दिएर किफायती पनि रहे। खेल त जनकपुरले गुमायो, तर उनले आफ्नो प्रभाव छाडे। उनले यसअघि स्थानीय प्रतियोगिताहरमात्र खेलेका थिए।

खेलपछि जनकपुरका कप्तान हरमीत सिंहले उनको तारिफ गर्दै उनले राष्ट्रिय टोलीमा खेल्न सक्ने बताए।

‘राहुल यादव १६-१७ वर्षकै उमेरमा पहिलो पटक यति ठूलो मञ्च र सिनियर स्तरमा खेलिरहेका छन् र उनले निकै राम्रो प्रदर्शन गरिरहेका छन्,’ सिंहले राहुलबारे भने, ‘उनको बलिङ निकै डिसेप्टिभ छ। जसले उनलाई पहिलो पटक सामना गर्छ, उसलाई सुरुका केही बलहरू खेल्न निकै गाह्रो हुन्छ’

सिंहले राहुलसँग भएको स्किले सेटले धेरै अघिसम्म जाने सम्भावना देखाएको बताएका थिए।

राहुल पनि क्रिकेटमा लामो यात्रा गर्ने लक्ष्य लिएर आएका छन्।’ मेरो बुवाले क्रिकेट बुझ्नु हुन्न तर मलाइ सपोर्ट गर्नु हुन्छ,’ उनले पहिलो खेलपछि भनेका थिए।

उनले अझ धेरै अवसरहरू पाउँदै गए भने उनी नेपाली राष्ट्रिय टोलीका लागि मात्र नभई कुनै पनि अन्तर्राष्ट्रिय टोलीका लागि आगामी दिनमा ठूला खेलाडी बन्न सक्ने भन्दै प्रशंसासमेत भइरहेको छ।

पहिलो खेलको प्रदर्शनले दोस्रो खेलमा पनि आज उनले काठमाडौंविरुद्ध खेल्ने अवसर पाए। दोस्रो खेलमा पनि उनले आफ्नो कन्सिस्टेन्सीलाई निरन्तरता दिए। काठमाडौं गोर्खाको चार विकेट लिए उनले।

धुरन्धर ओपनर स्मिथ पटेल र साम हेजलेटलाई उनले पभेलियन फर्काए। उनले करण केसी र आदिल आलमलाई समेत आउट गरे।

पहिलो खेलमा दुई विकेट र दोस्रो खेलमा चार विकेट लिएका उनी ६ विकेट सहित हाल सर्वाधिक विकेट लिने खेलाडीको शीर्षस्थानमा छन्।

‘क्यानले ट्यालेन्ट हण्टमा आइकोनिक खेलाडी राखेको छ। यसले राम्रो अवसर दिन्छ। यसले पहिला पनि राम्रो खेलाडी आएको छ,’ काठमाडौं गोर्खाजका टेक्निकल हेड सरद भेषवाकरले उनीतर्फ संकेत गर्दै भने।

उनकै टिममा रहेका चर्चित अलराउण्डर मोइन अलीले पनि उनको तारिफ गर्दै नेपालको मालिंगा बन्न सक्ने बताए।

‘उ राम्रो छ। विकेट लिइरहेको छ। उ नेपालको मालिंगा बन्न सक्छ। उ एकदमै हम्बल पनि छ,’ उनले भने।

The post चन्द्रनिगाहका १६ वर्षे ठिटो, जसमा ‘नेपालको मालिंगा’ बन्ने सम्भावना देख्छन् मोइन अली! appeared first on BIZMANDU.