केहीले भने बाजासहित गाईलाई नै नगर परिक्रमा गराउने गर्छन्। नेपालभाषामा ‘सा’ भनेको गाई र ‘या:’ भनेको जात्रा। कालान्तरमा साया: (सापारु) गाईजात्राका रुपमा परिवर्तन हुँदै गयो। 

काठमाडौं उपत्यकामा सापारुलाई विभिन्न किसिमले मनाउने गरिन्छ। काठमाडौंमा दिवंगतहरुको सम्झनामा बालबालिकाहरुलाई सिंगारेर गाई अंकित चित्र, मुकुन्डो, सिङ लगाएर नगर परिक्रममा गराउने गरिन्छ।

त्यसक्रममा बालबालिकालाई फलफूल, रोटीलगायतका खानेकुरा दिने चलन रहेको छ। यता कीर्तिपुरमा पनि व्यंग्यात्मक रुपमा सापारु मनाइने गरिन्छ।

पाटनमा भने बालबालिकालाई देवीदेवताका रुपमा सजाएर नगर परिक्रमा गर्ने गरिन्छ। गाईजात्राको भोलिपल्ट मतया (दिपयात्रा) गरी मन्दिर, बहा: बही घुम्ने गरिन्छ। विभिन्न बाजा बजाउँदै व्यंग्य गर्दै मन्दिर र विहारहरुमा भोज चढाउँदै बिहानैबाट सुरु हुने मतमामा मानिसहरुले दिवंगत आत्माको शान्तिको कामना गर्ने गर्छन्।

उपत्यकामा मनाइने सापारुमध्ये भक्तपुरमा मनाइने सापारुलाई आकर्षक मानिन्छ। यहाँ बालबालिकालाई सजाएर नगर परिक्रमा गराइँदैन।

यहाँ भने ताहासां (ताहामचा) बनाएर नगर परिक्रमा गर्ने गरिन्छ। मृत व्यक्तिको सम्झनामा बाँसको चारखुट्टे खट बनाएर त्यसमा दिवंगत व्यक्तिको तस्विर र बसाहा राखेर जात्रा गर्ने चलन रहेको छ। विशेषगरी लट्ठी जुधाई सांगीतिक तालमा नाचिने ‘घिन्ताङ घिसी’ भक्तपुरको आकर्षण हो।

‘ताहा मचा गना ते.. ग्वाखङ प्वाले ते.. ग्वाखङ प्वाले म्न्ह्यङ्सा.. खुसिङ चुइक छुवेय..’ भन्दै सात दिनसम्म घिन्ताङ घिसी प्याखं नचाउने गरिन्छ।

The post दिवंगत आफन्तको सम्झनामा उपत्यकामा यसरी मनाइँदै सापारु (तस्विरहरु) appeared first on BIZMANDU.

आज तराईका जिल्लाहरू लगायत देशका धेरै स्थानमा दिदीबहिनीले दाजुभाइको हातमा राखी बाँधेर यो पर्व मनाउँछन्। त्यस्तै, दाजुभाइले दिदीबहिनीलाई उपहार दिने पनि चलन छ। यसले दिदीबहिनी र दाजुभाइ बीच प्रेमसम्बन्ध बढ्ने मान्यता छ।

काठमाडौंको असन बजारमा केही दिनअघि देखि नै राखी तथा रक्षाबन्धनको बिक्री सुरु गरिएको थियो। दिदीबहिनी र दाजुभाइले यहाँ राखी तथा रक्षाबन्धन किनेको देख्न सकिन्थ्यो।

प्रत्येक वर्ष श्रावण शुक्ल पूर्णिमाका दिन रक्षाबन्धन मनाइन्छ। आज बिहानैदेखि वैदिक सनातन धर्मावलम्बीले नदी, ताल, तलाउ, पोखरीमा गई स्नान गरेर गुरु पुरोहितबाट रक्षासूत्र बाँध्ने गर्छन्।

The post काठमाडौंको असन बजारमा रक्षाबन्धनको किनमेल गर्नेहरूको घुइँचो appeared first on BIZMANDU.

गथांमुग दहनसँगै नेवार समुदायमा सुरु हुन्छ चाडपर्वको श्रृङ्खला।

पहिलापहिला अहिलेको जस्तो जीवनशैली व्यस्त थिएन। यतिखेर अरु काम पनि हुँदैन थियो। रोपाइँ कर्म नै किसानको सहारा थियो। रोपाइँपछिको यो समयमा किसान फुर्सदिला। खेतमा काम गरेर थाकेका पनि। आराम र पौष्टिक आहारको कमी हुने बेला।

अनि शरीरमा स्फूर्ति ल्याउन सुरुवात भयो, तात्ततो झोल पिउने परम्परा। काठमाडौं उपत्यका र वरिपरि नेवार बाहुल्य क्षेत्रम ९ वटा गेडागुडीको समिश्रणमा बन्यो, कवा: गु ति -‘क्वाति’। क्वा: अर्थात् तातो, ति भनेको झोल।

नेपाल संवत् अन्तर्गत गुँला महिनाको पूर्णिमाका दिन यसरी तातो झोल खाने गरिन्छ। ब्राह्मण समुदायमा भने यसलाई जनै पूर्णिमाका रुपमा मनाउने गरिन्छ। नेवार समुदायले भने गुंपुन्हि, क्वाति पुन्हिका रुपमा यसलाई मनाउने गर्छन्।

इतिहासकार प्राध्यापक डा त्रिरत्न मानन्धर क्वाति पुन्हि नेवा समुदायको मौलिक चाड भएको बताउँछन्। यस चाडले स्थानीय रुपमा उत्पादित खाद्य सामाग्रीको उपयोगमा समेत जोड दिएको उनी बताउँछन्।

‘किसानहरु आराम गरेर बसेको समयमा गुंपुन्हिका दिन यसरी तातो तातो झोलमा ९ थरीका गेडागुडी राखेर क्वाति खानु नेवार समुदायको मौलिक पर्व हो,’ उनले भने, ‘खेतमा रोपाँई सकेर थाकेर बसेका किसानलाई पौष्टिक आहार दिने दिन हो आज।’

मध्यकालसम्म नेवार समुदायमा जनै लगाउने परम्परा पुष्टि हुन्न। पृथ्वीनारायण शाहले राज्य विस्तार गर्दै नेपालमण्डलमाथि नियन्त्रण कायम गरेपछि विस्तारै जनै लगाउने चलन पनि सुरु भएको हुनसक्ने बताउँछन् मानन्धर। हाल भने क्वाति खानु अघि नेवार समुदायका मानिसले पनि घरमै ब्राह्मण बोलाएर वा मन्दिर गएर समेत हातमा डोरो लगाउने गर्छन्।

क्वाँटी होइन क्वाति

अहिले क्वाति खाने चलन नेवार समुदायमा मात्रै सीमित भने छैन। गैर नेवार समुदायमा पनि क्वाति खाने चलन सरु भइसकेको छ। क्वातिमा प्रयोग हुने गेडागुडीमा धेरै प्रोटिन पाइने भएकोले यसको प्रयोग बिस्तार हुँदै गएको हो।

क्वाति खाने चलन अरु समुदायमा पनि विस्तार हुँदै जाँदा तातो झोल पिउनुको अर्थ पनि बदलिएको छ। क्वाति अपभ्रंस हुँदै ‘क्वाँटी’ भएको छ अहिले।

तर, नेपाल भाषाका जानकारहरु भने ‘क्वाँटी’ भन्दा ‘क्वाति’ शब्द नै प्रयोग गर्नुपर्नेमा जोड दिन्छन्। किनभने ‘क्वाँटी’ले तातो झोलको अर्थलाई पूर्ण गराउँदैन।

नेपालभाषामा ‘क्वाँ’को कुनै अर्थ छैन, ‘ट’ अक्षर त झन् नेवार समुदायमा धेरै प्रचलित नै छैन। सुन्नेले ‘त’ लाई ‘ट’ सुने, अनि बन्यो क्वाँटी। नेपाल राजकीय प्रज्ञा प्रतिस्थानले निकालेको २०५४ सालमा निकालेको नेवार-नेपाली-अङ्ग्रेजी शब्दकोषले भने ‘क्वाँइँ’ लाई ‘कुकुर कराउँदा सुनिने आवाज वा रुवाइ’ भनेर उल्लेख गरेको छ। ‘ट’ अक्षरका कुनै पनि शब्द शब्दकोषमा समावेश नै छैनन्।

भ्यागुतालाई पनि खुवाइन्छ क्वाति

आजको दिन नेवार समुदायका मानिसले मात्रै क्वाति पिउँदैनन्। भ्यागुतालाई समेत भात र क्वातिसँगै विभिन्न ब्यञ्जन बनाएर खुवाउने परम्परा समेत रहेको छ। नेपालभाषा यसलाई ‘ब्यांजानकेगु’ भनिन्छ। ‘ब्यां’ भनेको भ्यागुता, ‘जा’ भनेको भात।

खेतमा काम गरेका किसानलाई जस्तै खेतको हेरचाह गर्ने भ्यागुतालाई समेत पौष्टिक आहार आजको दिन खुवाउने गरिएको मानन्धर बताउँछन्। यो धेरैजसो ज्यापु समुदायमा प्रचलित पर्व हो।

बिहान नित्य पूजा सकाएर, विभिन्न ब्यञ्जन बनाएर भ्यागुतालाई भात र क्वाति खुवाएपछि मात्रै मानिसहरुले क्वाति खाने गर्छन्। खेतमा किरा मारेर अन्न उब्जाउन समेत सहयोग गर्ने प्राकृतिक देवताका रूपमा भ्यागुतालाई सिमीको पातमा खाद्य परिकार राखेर खेतखेतमा गई पूजा गरी यसदिन भोजन गराउने गरिन्छ।

रोपाइँको समयमा र वर्षात् सुरु हुनुभन्दा पहिले खेतमा काम गर्दा कोदालीबाट मरेका कीरा फट्याङ्ग्रा र भ्यागुतालाई मारेको पाप मोचन गर्नका लागि आजका दिन भ्यागुतालाई पूजा र भोजन गराउने गरिएको कथन समेत रहेको छ।

पानी पार्न भ्यागुताको महत्वपूर्ण भूमिका हुनेहुँदा त्यसको पूजा गर्ने कथन समेत छ। भ्यागुता कराएको सुनेपछि स्वर्गका राजा इन्द्रले सुन्ने र त्यसपछि वर्षा हुने जनविश्वास रहेको छ। धानलगायत तरकारीहरु रोपेको समयमा खेतमा पानीको अभाव नहोस् भन्ने हेतुले पानी पार्न भ्यागुतालाई क्वाति खुवाउँदै पूजा गर्ने प्रचलन बसेको समेत बताइन्छ।

तर, यस्तो परम्परा भने बिस्तारै लोप हुने अवस्थामा छ। हाल भक्तपुर, खोकना, बंगमती लगायत धेरै खेत भएका क्षेत्रमा अझै भ्यागुतालाई यसरी ब्यञ्जन खुवाइन्छ। काठमाडौंमा भने यो संस्कृति हराउँदै गएको छ। यद्यपि, केहीले भने घरमै भ्यागुतालाई भाग छुट्याएर भए पनि यस परम्परालाई निरन्तरता दिइरहेका छन्।

The post तात्तातो झोल पिउने दिन अर्थात् ‘क्वाति पुन्हि’, किसान र भ्यागुतालाई पौष्टिक आहार खुवाउने पर्व appeared first on BIZMANDU.

आज बिहानदेखि बजार क्षेत्र जलमग्न हुँदा व्यापारी र ग्राहक मारमा परेका छन्। डुबानका कारण लाखौंको कृषि सामाग्री बिग्रिएको व्यापारीले बताएका छन्।

वाग्मती नदि किनारसँगै जोडिएको सो बजारमा हरेकपल्ट ठूलो वर्षा हुँदा भेल पस्ने गर्छ।

बल्खु बजारसँगै नजिकका घरटहरामा पनि भेल पसेको छ।

डुबानका कारण सो क्षेत्रमा यातायात प्रभावित भएको छ।

The post डुबानमा बल्खु क्षेत्र : तरकारी बजार पस्यो भेल, लाखौंको कृषि सामाग्री बिग्रियो appeared first on BIZMANDU.

जावलाखेलमा भोटोजात्रा हेर्न राष्ट्रपति रामचन्द्र पौडेल, प्रधानमन्त्री केपी शर्मा ओली लगायतको उपस्थिति थियो। गुठी संस्थानका अधिकारीहरुले रथको चारै दिशाबाट हजारौं मानिसको उपस्थितिमा भोटो देखाएका थिए।

भोटो जात्रालाई लिएर कर्कोटक नागराजा, ज्यापु र भूतको कथा जनस्तरमा प्रचलित छ। किम्वदन्तीअनुसार परापूर्वकालमा कर्कोटक नागराजकी श्रीमतीको दुखेको आँखा स्थानीय ज्यापुले तन्त्रमन्त्रद्वारा निको पारेपछि भोटो उपहारस्वरुप  दिए। भोटो फुकालेर खेत खनिरहेको बेला भूत आएर उनको भोटो चोरेर लग्यो। आफ्नो खेतमा काम गर्दा उक्त भोटो हराएपछि कृषकले खोजी गरे र कतै नपाएपछि जावलाखेलमा आयोजित एक जात्रामा एकजना राक्षसले लगाएको देखेको  मान्यता छ। 

कृषकले यो भोटो मेरो हो भनेर माग्दा दुवै पक्षबिच धेरै विवाद भएकाले दुवैले पर्याप्त प्रमाण जुटाउन नसकेपछि भोटो नागराजले खोस्छन्। र, राजा र त्यहाँ उपस्थित जनतालाई देखाएर मछिन्द्रनाथको जिम्मामा भोटो दिन्छन्। जसले सप्रमाण भोटो मेरो हो भन्छ, उसैलाई दिने शर्तमा नासोका रुपमा मछिन्द्रनाथलाई भोटो दिइएको कथन छ। त्यसबेला देखि जावलाखेलमा भोटो देखाउने चलन सुरु भएको मान्यता छ।

भोटोजात्रा पछि रातो मछिन्द्रनाथलाई खटमा राखेर बुंगमति फिर्ता लग्दा मानिसहरुले दायाँबायाँ बसेर छ्वाली (गहुँको पराल) बालेका थिए। रातो मछिन्द्रनाथको मुर्तिलाई नख्खु हुँदै बुंगमतिमा रहेको मन्दिरमा प्रतिस्थापन गर्ने बेलासम्म ती छ्वालीहरु बालेर देवतालाई बाटो देखाउने गरिन्छ। यसरी छ्वाली बाल्नुलाई स्थानीय भाषामा ‘सवा लाख छ्वालीप्वाः च्याकाः लं स्ववनेगु’ भनिन्छ। यसको अर्थ सवा लाख परालको मुठा बालेर देउताको बाटो हेर्न जाने हुन्छ।

पानेजु (रातो मछिन्द्रनाथका पुजारी) खलकका अनुसार पहिला बत्ती नभएको बेला रातो मछिन्द्रनाथलाई खटमा राखेर ल्याउँदा छ्वाली बालेर लिन जाने गरिन्थ्यो। त्यो परम्परा हाल सम्म पनि निरन्तर चलिरहेको छ। पहिला भक्तपुरबाट दीप बोकेर मानिसहरु रातो मछिन्द्रनाथलाई बाटो देखाउन आउने कथन छ।

बुंगमती पुर्‍याइएपछि रातो मछिन्द्रनाथलाई पूजा गरेर त्यही बनाइएको अस्थायी मन्दिरमा राखिएको छ। २०७२ सालको भूकम्पमा मन्दिर भत्किएपछि पुनर्निर्माणको काम सम्पन्न नहुँदा रातो मछिन्द्रनाथलाई अस्थायी मन्दिरमा राखिँदै आएको छ। हाल उपभोक्ता समितिमार्फत मन्दिर पुनर्निर्माणको काम भइरहेको छ।

The post बुंगमति फर्किए रातो मछिन्द्रनाथ, स्थानीयले ‘छ्वाली’ बालेर गरे स्वागत, तस्विरमा जात्राको रौनक appeared first on BIZMANDU.

जुद्धशालिकदेखि इन्द्रचोक जाने सडकखण्डमा महानगरले फुटपाथ चौडा पार्ने तयारी गरेको हो।

महानगरले यसअघि पनि त्यहाँ सडक काटेर फुटपाथ बढाउन खोजेको थियो। तर, समन्वय नगरेको भन्दै सडक विभागले महानगरले काटेको सडक पुन: पुरेको थियो।

फुटपाथ विस्तारमा केही जनप्रतिनिधिले समेत असहमति राखेका थिए। अहिले अदालतको आदेश पछि भने महानगरले फेरि सडक काट्न थालेको हो।

The post अदालतको आदेशपछि न्यूरोडमा सुरु भयो फुटपाथ विस्तारको काम, महानगरले काट्यो सडक appeared first on BIZMANDU.

‘रिजोमेस ,लाइन अफ थट्’ नाम दिइएको प्रदर्शनी यही शनिबारसम्म संचालन हुनेछ। प्रदर्शनीमा विद्यार्थीहरुले बनाएको प्रोजेक्ट प्रदर्शनीसँगै विभिन्न विषयमा संवाद कार्यक्रम भइरहेको छ।

अय्लाको प्रयोग, मछिन्द्रनाथको रथ बनाउँदा प्रयोग हुने विधिमा आधारित रहेर ‘एरिङ’ र नेक्लेस लगायतका सामाग्री, पश्मिना, देवनागरि लिपिको प्रयोग लगायतका थिममा प्रोजेक्ट सोकेस भइरहेको छ।

यस्तै, करिब ८० वर्षपछिको भर्चुअल काठमाडौंको कथासँगै कमिकहरु पनि राखिएका छन्।

The post बबरमहलमा संस्कृति र प्रविधिको फ्युजन, प्रदर्शनीमा अय्लादेखि भर्चुअल वर्ल्डसम्म appeared first on BIZMANDU.

महाधिवेशनको पार्टी अध्यक्ष माधवकुमार नेपालले उद्घाटन गरेका छन्। महाधिवेशनमा प्रधानमन्त्री एवम् नेपाल कम्युनिष्ट पार्टी (माओवादी केन्द्र)का अध्यक्ष पुष्पकमल दाहाल ‘प्रचण्ड’, नेपाली कांग्रेसका सभापति शेरबहादुर देउवा लगायत विभिन्न दलका नेताहरु सहभागी छ।

महाधिवेशनको अवसरमा आज राजधानीमा सो पार्टीका नेता तथा कार्यकर्ताले र्‍याली निकालेका थिए। देशभरबाट एक हजार ८४९ प्रतिनिधि काठमाडौं आएका छन्।

तत्कालीन नेपाल कम्युनिष्ट पार्टी (एमाले)बाट करिब तीन वर्षअघि विभाजन भएर गठन गरिएको पार्टीले यो महाधिवेशनलाई १०औं राष्ट्रिय महाधिवेशनका रूपमा दाबी गरेको छ। विसं २००६ मा कोलकातामा स्थापना भएको कम्युनिष्ट पार्टीको राजनीतिक उत्तराधिकारी मानेको एकीकृत समाजवादी पार्टीले हालसम्म सम्पन्न भएका नौवटा अधिवेशनको स्वामित्व लिएर यो राष्ट्रिय महाधिवेशनलाई १०औँ मानेको हो।

The post माधवको दायाँबायाँ प्रचण्ड र देउवा, तस्विरमा नेकपा एकीकृत समाजवादीको महाधिवेशन appeared first on BIZMANDU.

कारण थियो सुनचाँदी व्यवसायी र कालीगढको आन्दोलन।

पसल बन्द गरेर व्यावसायी सडकमा ओर्लिएपछि न्यूरोड क्षेत्र केही समय अस्तव्यस्त बन्यो। व्यवसायी र पसलमा कार्यरत कर्मचारीले नारा लगाउँदै न्यूरोड क्षेत्रमा र्‍याली निकाले। जसकारण केही घण्टा त्यो क्षेत्र नै बन्द हुन पुग्यो।

प्रदर्शनमा उत्रिएका अधिकांशको एउटै माग थियो – रिद्धि सिद्धि ज्वेलर्सले सुनको गहनामा जर्ती नलाग्ने र ज्यालामा भारी छुटको विज्ञापन रद्द हुनुपर्छ।

केहीदिन अघि रिद्धि सिद्धिले ज्याला ७ प्रतिशतमात्र लिने भनि विज्ञापन गरेको थियो। ज्वेलर्सले एकलौटी रुपमा सस्तो प्रचार गरेको विषय कालिगढ र व्यवसायीमुखी नभएको भन्दै व्यवसायीहरु आज विरोधमा उत्रिएका हुन्।

आजको प्रदर्शनमा उनीहरुले रिद्धि सिद्धिले भनेको जस्तो हुन नसक्ने भन्दै आक्रोश व्यक्त गरेका थिए।

अन्य सुन पसल बन्द भए पनि रिद्धि सिद्धि ज्वेलर्सको पसल खुल्ला थियो। प्रदर्शन गरिरहेका व्यवसायी न्यूरोड क्षेत्रभर घुमेर विशाल बजारमा रहेको रिद्धि सिद्धि ज्वेलर्स अगाडि भेला भए। र, नाराबाजी गर्न थाले।

उनीहरुले रिद्धि सिद्धिको विज्ञापन जायज भएको भन्दै विरोध गरे। रिद्धि सिद्धि पसल बन्द गर्नुपर्ने भन्दै नारा पनि लगाए।

त्यसक्रममा रिद्धि सिद्धिमा रहेका व्यक्ति र प्रदर्शनरत् व्यवसायीबीच केही समय भनाभनसमेत भयो।

इन्द्रचोकमा कोणसभा गरेपछि अहिले व्यवसायीहरु फिर्ता भएका छन् आआफ्नो काममा। तर माग पूरा नभए फेरि आन्दोलनमा आउने चेतावनी उनीहरुले दिएका छन्।

यससँगै उनीहरुले सरकारले सुनको भन्सार १५ प्रतिशतबाट २० प्रतिशत बनाएकोमा पनि विरोध गरिरहेका छन्। आजको प्रदर्शनका क्रममा उनीहरुले सो निर्णय पनि फिर्ता हुनुपर्ने माग गरिरहेको छ। यसका लागि १० संघहरुले सामुहिक रुपमा विभिन्न सरकारी निकायमा ज्ञापन पत्र पनि बुझाइसकेका छन्।

The post सुनचाँदी व्यवसायी र कालीगढको प्रदर्शनले जब न्यूरोड क्षेत्र नै बन्द भयो… appeared first on BIZMANDU.

मानन्धर दक्षिण एसियाली खेलकुद (साग) मा लगातार ३ स्वर्ण जित्ने पहिलो नेपाली खेलाडी हुन्। भारतमा १९८७ मा भएको तेस्रो सागमा मानन्धरले म्याराथनमा २ घण्टा १५ मिनेट ०३ सेकेन्डको कीर्तिमान बनाएका थिए।

एशियाली खेलकुद प्रतियोगिताको १९औँ संस्करणमा गुरुङले रजत पदक जितेकी थिइन्। उनको उक्त रजत पदक नै करातेमा नेपाललाई प्राप्त एसियाली खेलकुदको पहिलो रजत पदक हो।

The post बैकुण्ठ मानन्धर र एरिका गुरुङले जिते यस वर्षको शरद चन्द्र शाह स्मृति खेलकुद पुरस्कार appeared first on BIZMANDU.

किसान भेन्चर र काठमाडौं अर्गानिक्सले संयुक्त रुपमा फेस्टको आयोजना गरेको हो। फेस्ट ९ गतेसम्म संचालन हुनेछ।

उक्त फेस्टमा सर्लाही, सप्तरी र सिराहाका ५० किसानहरूबाट प्रत्यक्ष खरिद गरेर ल्याइएका विभिन्‍न प्रजातिका आँपहरू प्रदर्शनी गरिएको आयोजकले जनाएको छ। फेस्टमा माल्दा, जर्दा, बम्बै, गुलाब खास, अम्रपाली, कलकत्तिया, दसहरी लगायत १५ भेराइटीका आँपहरू उपलब्ध छन्।

सबै आँपहरू सिधा किसानबाट खरिद गरेर ल्याइने हुँदा ताजा र सस्तो पाइने आयोजकको दाबी छ। मेलामा प्राकृतिक रुपमा पाकेका र पकाइएका आँपहरू मात्र उपलब्ध छन्।

फेस्टको प्रमुख उद्देश्य नेपाली आँपको प्रचलन बढाउनु, नेपाली किसानहरूलाई प्रोत्साहन गर्नु र उपभोक्ताहरूलाई विषादीरहित स्वस्थ आँपको पहुँच पुर्‍याउनु रहेको आयोजकले बतायो।

फेस्टमा विभिन्‍न कम्पनीका १० वटा स्टलहरू छन्, जहाँ अचार, आँपको पाउडर, डिहाइड्रेड म्याङ्गो, जाम लगायत आँपका विभिन्न उत्पादनहरू पनि प्रदर्शनीमा छन्।

The post आँपको अचारदेखि आँपबारे छलफलसम्म, सुरु भयो ‘म्याङ्गो फेस्ट’ appeared first on BIZMANDU.

आज काठमाडौंमा आयोजित कार्यक्रममा मन्त्री विराजभक्त श्रेष्ठले खेलाडीहरुलाई सम्मानपत्र सहित पुरस्कार वितरण गरेका हुन्।

सोही कार्यक्रममा मन्त्री श्रेष्ठले १०० दिनमा गरेको कामको विवरण पनि सार्वजनिक गरेका थए। उनले कीर्तिपुरमा फ्ल्ड लाइट जडानको प्रक्रिया अघि बढेको बताएका छन्।

यस्तै, मूलपानी क्रिकेट रंगशालाको निर्माणकार्यका लागि आवश्यक प्रक्रिया अघि बढाइएको पनि बताएका छन्।

The post खेलकुद मन्त्रालयमा श्रेष्ठको १०० दिन, अन्तर्राष्ट्रिय प्रतियोगितामा पदक जित्ने खेलाडी पुरस्कृत appeared first on BIZMANDU.

कमेन्टेटरहरुका अनुसार मैदानमा ९० प्रतिशत समर्थन नेपालका छन्।

यता, काठमाडौं उपत्यकाका विभिन्न क्षेत्रमा ठूलो स्क्रिन राखेर खेलको प्रत्यक्ष प्रदर्शनी भइरहेको छ। काठमाडौंको टुँडिखेल, तीनकुने र हाँडीगाउँमा काठमाडौं महानगरले नै स्क्रिन राखेर खेल प्रदर्शन गरिरहेको छ। अन्य स्थानमा टोलका सदस्यहरु मिलेर पनि खेल हेरिँदैछ।

यस्तै, भक्तपुर र ललतिपुरका विभिन्न क्षेत्रमा पनि स्क्रिन राखेर खेल प्रत्यक्ष प्रदर्शन भइरहेको छ।

The post डल्लासमा नेपाल खेलिरहँदा काठमाडौंको टोल टोलमा उमंग, टुँडिखेलमा क्रिकेट हेर्नेको घुइँचो appeared first on BIZMANDU.

महानगरका मेयर बालेन्द्र साहको निर्देशनमा फुटपाथ चौडा गर्ने भन्दै सडक काट्न लगाएका थिए। विभागले भने सो कार्य नगर्न महानगरलाई पटकपटक ताकेता गरेको थियो।

महानगरले सो आग्रहको वेवास्ता गरेको भन्दै विभागले आज सडक कालोपत्र गरेको हो।

सडक विभागले आज दर्जनौंको संख्यामा कर्मचारी परिचालन गरेर सडक पिच गरेको हो। विभाग सडकमा ओर्लिएपछि महानगर प्रहरीले रोक्ने प्रयास गरेका थिए।

केही बेर दुवै पक्षबीच भनाभन समेत भएको थियो। यद्यपि, विभागले महानगरले भत्काएको पूरै सडक कालोपत्र गरेको हो।

The post बालेन भर्सेस सडक विभाग : महानगरले भत्काएको न्यूरोडको सडकमा कालोपत्र गरियो appeared first on BIZMANDU.

प्रदर्शनीमा देवीदेवताहरुको आधुनिक, लोक परम्परागत र समसामयिक कलाहरु राखिएका छन्। काउन्सिलको ३ तले भवनभर विधा छुट्याएर कलाकृति राखिएका छन्।

यस्तै, नेपालबाट हराएका मूर्ति र कलाकृतिका साथै विदेशबाट फिर्ता ल्याइएका मूर्तिहरुको तस्विर पनि प्रदर्शनीमा समावेश छ।

बुंगद्य: (रातो मछिन्द्रनाथ) को रथ निर्माणलाई लिएर बनाइएको तस्विरदेखि भित्ते चित्रले प्रदर्शनमा आउनेहरुको आकर्षित गरेको छ।

साथै प्रदर्शनीमा युरोपियन कलाकार नेल्सन फिरेराको ‘पेन्टिङ विद आउट पेन्ट’ पनि राखिएको छ। उनले बनाएको चित्र मोबाइलाको फ्ल्यास हेरेर मात्रै राम्री देख्न सकिन्छ।

प्रदर्शनीमा धातुकलाका उत्कष्ट कलाकृतिसँगै मिथिला सभ्यता चिनाउने चित्रकला, बुद्धको जीवन दर्साउने चित्र, भैरव, कुमारी, राम, शिव लगायतका कन्टेम्पररी पेन्टिङहरु पनि राखिएका छन्।

दोस्रो संस्करणको यो प्रदर्शनीमा १६३ जना कलाकारहरुको २३५ वटा कलाकृति राखिएको छ। जेठ ८ गतेबाट सुरु भएको सो प्रदर्शनी जेठ २८ गतेसम्म संचालन हुनेछ।

The post आर्ट काउन्सिलमा ‘नेपालका देवीदेवताहरु’, २३५ वटा कलाकृति प्रदर्शनीमा appeared first on BIZMANDU.