बाणिज्य बैंकमा साता दिनमै १४ अर्ब निक्षेप थपियो, ऋण लगानी ठप्पजस्तै, कुल निक्षेप १२३२ अर्ब

२०७१ कात्तिक ३

काठमाडौं । बाणिज्य बैंकहरुमा एक सातामै १४ अर्ब रुपैयाँ निक्षेप थपिएको छ । कर्जा लगानी भने फिटिक्कै नभएको राष्ट्र बैंकले जनाएको छ ।

सञ्चालनमा रहेका ३० वटा बाणिज्य बैंकसँग एक साताअघि सम्म मात्र १२ खर्ब १८ अर्ब रुपैयाँ निक्षेप रहेकोमा एक सातापछि नै यो बढेर १२ खर्ब ३२ अर्ब रुपैयाँ पुगेको छ ।

बैंकहरुको यसमध्ये विदेशी मुद्रा वापतको निक्षेप तीन अर्बले वढेर ९१ अर्ब रुपैयाँ पुगेको छ । कर्जा लगानी भने दुई सातायता वढेको छैन । कर्जा नौं खर्ब ५५ अर्ब रुपैयाँमा सीमित छ ।