बीमा समूहले उचाल्यो नेप्से, सबै समूहगत सुचकमा सुधार, कारोबार रकम बढेर २९ करोड पुग्यो

बीमाको सुचक ११५ अंक सम्म बढेको थियो। बजार बन्द हुँदा भने वृद्धि ८७ अंकमा सिमित भयो। सबै समूहको सुचकमा सुधार भएपछि नेप्से ११.२८ अंकले बढेको छ । कारोबार शुरु भएदेखि नै नेप्से परिसूचक सुधारको दिशामा देखिएको थियो। कारोबारमा आएका दुई बाहेक सबै बीमा कम्पनीको सेयर मूल्य बढेको छ। नेको इन्स्योरेन्सको मूल्य स्थिर रह्यो भने प्रुडेन्सियल इन्स्योरेन्सको मूल्य घटेको छ। 
 

स्वरोजगार लघुवित्त बिकास बैंकको कात्तिक पाँच देखि बुक क्लोज हुने भएको छ। बैंकले दिन लागेको २० प्रतिशत नगद तथा २७.३९ प्रतिशत बोनस सेयर प्राप्त गर्न कात्तिक चार गतेसम्म सेयर खरिद गर्नुपर्ने हुन्छ। 

बिकास बैंक समूहका केही कम्पनीहरु धेरै मूल्य बढ्नेमा दरिए। समूगत आधारमा भने बीमा पछि बैंङ्किङ समूह, वित्त कम्पनी, होटेल समूह, बिकास समूह, उत्पादन मुलक समूहको वृद्धिदर क्रमिक रुपमा रहेको छ।