बजारमा बेच्नेभन्दा किन्ने र किन्नेभन्दा होल्ड गर्ने जमात बढि, लाभांश बुकिङमा लागे लगानीकर्ता

अर्काेतर्फ बजार २० प्रतिशतभन्दा तल आइसकेको र अधिकांश कम्पनीको धमाधम बुक क्लोजको अवधि नजिकिएकोले पनि लगानीकर्ताहरु लाभांश बुकिङमा लागेका छन।
 

हाल सुचीकृत कम्पनीहरुले औंसतमा १५ देखि २० प्रतिशतको हाराहारीमा लाभांश घोषणा गरेका छन। अहिले लगानीकर्ताहरु लाभांश लिने उदेश्यले सेयर नामसारीमा पठाइरहेका छन। 
 

बजार निकै तल ओर्लिएको र दशौं पछि बजार बढ्छ भन्ने लगानीकर्ताहरु खरिदमा देखिएका छन, स्टक ब्रोकर्स एशोसिएशन अफ नेपालका अध्यक्ष अन्जनराज पौड्यालले भने।

प्राय दशैंभन्दा केही दिनअघि सेयर बजारमा खासै उतार चढाव नदेखिने भएकोले पनि लगानीकर्ताहरु सेयर बेच्न इच्छुक हुदैन। अर्काे तर्फ मूल्य घटेको र लाभांश लिने अवधि नजिकिएकोले लगानीकर्ताहरु सेयर किन्न थाल्छन। 
 

कम्पनीहरुको मूल्यमा पनि धेरै अन्तरले सुधार हुन सकेको छैन भने घट्नेहरुको मूल्यमा पनि ठुलो अन्तर छैन।

अहिले सक्रिय रहेका लगानीकर्ताहरु बीच मोलमोलाई भने तीव्र हुने गरेको छ। लामो समयदेखि सेयर होल्ड गरेकाहरुले मात्रै सेयर बेचिरहेका छन। तर लाभाँश लिने उदेश्यले धेरैको ध्यान किन्न् या होल्ड गर्नमा केन्द्रित भएको देखिन्छ। 
 

केही साता अघिसम्म दैनिक ५०,६० करोड रुपैयाँको कारोबार भइरहेकोमा अहिले यो रकम आधा जस्तो भएको छ।

दशैंका लागि रकम जुटाउनेहरुले पनि दशैंअघिको दुई,तीन साताबाटै सेयर बिक्री बढाउने भएकोले पनि त्यसयता कारोबार बढ्न नसकेको हो।