कलर्सका थप दुई मोवाइल भित्र्याइए, किटक्याट अपरेटिङ सिस्टम एक्स २१ र एक्स २६ वेभ बजारमा

काठमाडौं। कलर्स मोबाइलका दुई नयाँ मोडलका मोबाइल नेपाली बजारमा भित्रिएको छ। नेपालका लागि कलर्सको आधिकारिक बिक्रेता टेलिटक प्रालिले एक्स २१ र एक्स २६ वेभ नामका दुई मोबाइल बजारमा ल्याएको हो।

एन्ड्रोइडको ४.४ किटक्याट अपरेटिङ सिस्टममा चल्ने यी दुवै स्मार्टफोनमा दुई वटा सिमकार्ड प्रयोग गर्न सकिने कम्पनीले जनाएको छ।

एक्स २६ वेभमा ४ इन्चको एलसिडी स्त्रि्कन रहेको छ भने दुई मेगापिक्सलको रियर क्यामेरा र ०.३ मेगापिक्सलको फ्रन्ट क्यामेरा रहेको छ। दुईसय ५६ एमबीको र्‍यामसमेत रहेको यस मोबाइलको मूल्य ६ हजार ४ सय ९५ रुपैयाँ तोकिएको छ।

त्यस्तै एक्स२१ वेभ मोबाइलमा तीन मेगापिक्सलको रियर र शून्य दशमलव ३ मेगा पिक्सलको फ्रन्ट क्यामेरा रहेको छ। २ जिबीको मेमोरी तथा दुईसय ५६ एमबीको र्‍याम रहेको यस मोबाइलको मूल्य ५ हजार ७ सय ९५ रुपैयाँ रहेको कम्पनीले जनाएको छ।