वर्ल्डलिंक कम्युनिकेसन १९ औं वर्षमा,जति डाटा भोल्युम खरिद गर्‍यो उति नै डाटा सित्तैमा

काठमाडौं ।  इन्टरनेट सेवा प्रदायक वर्ल्डलिंक कम्युनिकेसन १९ औं वर्षमा प्रवेश गरेको छ। २०५२ सालमा सुरु भएको यस संस्थाले हाल देशको ६३ जिल्लामा सेवा विस्तार गरिसकेको र चारसय ५० भन्दा बढी कर्मचारीलाई रोजगारी दिइरहेको छ।

आफ्नो उत्कृष्ट सेवाले ग्राहकको जीवन शैली अझ सम्बृद्ध बनाउने उद्देश्य रहेको वर्ल्डलिंकले आफ्नो सेवा नेपालकै सबैभन्दा गुणस्तरीय सेवा हुने विश्वास लिएकोछ ।

घरायसी प्रयोजनको लागि वर्ल्डलिंकले आफ्नो १९ औं वार्षिक उत्सवका अवसरमा डबल जुम अफर फेरि बजारमा ल्याएको छ। केबल जुम र फाइबर जुमको १० र २५ एमबीपीएस प्लानमा जति डाटा भोल्युम खरिद गर्‍यो उति नै बराबरको डाटा भोल्युम सित्तैमा पाउने योजना ल्याएको छ ।

पाँच एमबीपीएस प्लानमा भने ५० प्रतिशत मात्रै बढी पाउन सकिनेछ र तीनहजार पर्ने जडान खर्चको हकमा भने वार्षिक ग्राहकले शतप्रतिशत छुट, त्रैमासिकलाई दुईहजार र मासिकलाई एकहजार छुट पाउन सकिने जनाएको छ। यो अफर केही समयको लागि मात्रै उपलब्ध भएको वर्ल्डलिंकले विज्ञप्तीमा जनाएको छ