BIZMANDU
www.bizmandu.com

पिज्जाहट बन्द भएकै बेला आयो अर्को फुड चेन, इटालीयन खानाका साथ लिटिल इटाली

२०६९ भदौ १३

पिज्जाहट बन्द भएकै बेला आयो अर्को फुड चेन, इटालीयन खानाका साथ लिटिल इटाली
पिज्जाहट बन्द भएकै बेला आयो अर्को फुड चेन, इटालीयन खानाका साथ लिटिल इटाली


काठमाडौं । अन्तराष्ट्रिय फुड चेन केएफसी र पिज्जा हट बन्द भएकै बेला अर्को चेन रेष्टुरेण्ट लिटिल इटालीको पहिलो शाखा काठमाडौंमा खुलेको छ । भारतका प्रमुख १५ शहरमा चेन रेष्टुरेण्ट चलाएको लिटिल इटालीले नेपाली लगानीकर्तासँगको साझेदारीमा यो रेष्टुरेण्ट खोलेको हो ।
रेष्टुरेण्टमा इटाली खाना, वाइन, वियर र ककटेल उपलब्ध भएको कम्पनीले मंगलवार आयोजना गरेको पत्रकार सम्मेलनमा जानकारी दिइयो । दरवारमार्गको लिटिल इटालीमा एकै पटकमा १२० जनाले इटालीको स्वाद लि सक्छन् ।
भारतका १५ शहरमा २६ वटा आउटलेटबाट सेवा दिइरहेको लिटिल इटालीमा ग्राहकले गुणस्तरीय इटालीयन परिकार पाउने कम्पनीका प्रबन्ध निर्देशक राज मेहताले जानकारी दिए ।
कम्पनीले साताको एक दिन बुफे लन्च, क्याटरिङ र होम डेलिभरीको सेवा समेत दिने जानकारी पत्रकार सम्मेलनमा दिइयो । लिटिल इटालीमा जुप्पे सुप, वुड बर्न पिज्जा, पास्ता, मेस्किन स्पेशियलीटी लगायतका परिकारमा विभिन्न भेराइटी पाइने कम्पनीले जानकारी दिएको छ ।

Tata
GBIME
Nepal Life