BIZMANDU
www.bizmandu.com

सेञ्चुरीको सेयर सूचिकरण गर्न नेप्सेसँग सम्झौता, जेठ २५ बाट कारोवार, सेयर रजिष्ट्रारमा सिभिल

२०७१ जेठ १६

सेञ्चुरीको सेयर सूचिकरण गर्न नेप्सेसँग सम्झौता, जेठ २५ बाट कारोवार, सेयर रजिष्ट्रारमा सिभिल
सेञ्चुरीको सेयर सूचिकरण गर्न नेप्सेसँग सम्झौता, जेठ २५ बाट कारोवार, सेयर रजिष्ट्रारमा सिभिल



काठमाडौं । सेयर सूचिकरण गर्नका लागि सेञ्चुरी कमर्सियल बैंकले नेपाल स्टक एक्सचेन्जसँग सूचिकरण सम्झौता गरेको छ । सेयर सूचिकरण सम्झौता भएको एक साता पछि नेपाल स्टकमा कारोवार हुन्छ ।
सेयर सूचिकरण सम्झौतामा बैंकका कामु प्रमुख कार्यकारी अधिकृत अनुजमणी तिमिल्सिना तथा नेपाल स्टक एक्सचेञ्जका महाप्रवन्धक सिताराम थपलियाले हस्ताक्षर गरे । शुक्रवार सम्झौता भएका कारण सेञ्चुरी बैंकको पहिलो कारोवार जेठ २५ गते आइतवारबाट हुने सम्भावना छ ।
त्यसैगरी सेञ्चुरी बैंकले सेयर रजिष्टारमा सिभिल क्यापिटल मार्केटलाई नियुक्त गरेको छ । सिभिलले सेञ्चुरी बैंकको धितोपत्र कारोवार सम्बन्धि रेकर्ड राख्ने, दाखिला खारेज वा नामसारी गर्ने र शेयरवालाहरुको लगत अध्यावधिक गरी राख्ने छ ।
त्यसैगरी साधारण सभाबाट घोषणा गरेको नगद लाभांश र बोनस शेयर वितरण गर्ने काम पनि सिभिल क्यापिटलले गर्ने जानकारी बैंकले दिएको छ । २०६७ फागुनमा सेवा सुरु गरेको बैंकले हालसम्ममा ३१ वटा शाखा, २२ वटा  एटिएम र नौ वटा शाखारहित बैंकिङ्गबाट ग्राहकवर्ग समक्ष बैकिङ्ग सेवा प्रदान गर्दै आइरहेको छ । बैंकले जारी गरेको ९२ करोड रुपैयाँको आईपिओका लागि २२ गुणा अर्थात्  २० अर्ब रुपैयाँको आवेदन परेको  थियो । पुस २५ गतेबाट ९२ लाख कित्ता सेयर जारी  गरेको बैंक सञ्चालनमा रहेका ३१ वणिज्य बैंकमध्ये आइपिओ जारी गर्न बाँकी एक मात्र निजी बैंक भएकोले पनि आर्कषण उच्च थियो ।

Tata
GBIME
Nepal Life