BIZMANDU
www.bizmandu.com

नेपाल बंगलादेश बैंकले सेयरमा सोमवार ठूलै ‘कमव्याक’ गर्यो, एनसीसीको अवस्था उस्तै

२०६९ भदौ ११

नेपाल बंगलादेश बैंकले सेयरमा सोमवार ठूलै ‘कमव्याक’ गर्यो, एनसीसीको अवस्था उस्तै
नेपाल बंगलादेश बैंकले सेयरमा सोमवार ठूलै ‘कमव्याक’ गर्यो, एनसीसीको अवस्था उस्तै


काठमाडौं । राष्ट्र बैंकले वित्तीय अनुशासनका विषयमा प्रश्न उठाउँदै  सञ्चालकलाई कारवाही गरेपछि आइतवार बढारिएको नेपाल बंगलादेश बैंकले सोमवार ठूलै ‘कमव्याक’ गर्यो । बंगलादेश बैंकबाट एनबी समूहको सेयर विक्री गर्ने खबर प्रकासित भएपछि ठूलो मुनाफा आर्जन गर्दा पनि तल्लो स्तरमा झरेको एनबीले सोमवार १२ रुपैयाँको वृद्धि हाँसिल गरेको हो ।
आइतवार एनबीको सेयर मूल्यमा उच्च गिरावट आएपछि प्रतिकित्ता १२२ रुपैयाँसम्म कारोवार भएको थियो । सोमवार प्रतिशतका आधारमा सबैभन्दा बढी मूल्य वृद्धि भएपछि एनबी दोस्रो बढी मूल्यवृद्धि हुने कम्पनी बनेको हो । सोमवार एनबीको पहिलो कारोवार दुई रुपैयाँको वृद्धिका साथ १२७ रुपैयाँमा खुलेको थियो । पछि वृद्धि भएर १३७ रुपैयाँमा पुग्यो ।
सोमवार एनबी बैंकको सञ्चालक समितिको बैठक बस्ने र बैठकले एनबी समूहलाई सेयर विक्रीको अनुमति दिने सम्भावना भएको खबर प्रकासित भएको थियो । एनबी समूहको सेयर बंगलादेशी बैंकले किन्ने विषयमा यस अघि नै सहमति भए पनि ठोस प्रक्रिया अघि बढेको थिएन ।
सोमवार एनबीका ३० कारोवारबाट छ हजार ५२३ कित्ता सेयर कारोवार भयो । एनबी बैंकसँगै समूहले प्रवद्र्धन गरेको नेपाल क्रेडिट एण्ड कमर्श बैंकको सेयर मूल्यमा ठूलो मूल्यवृद्धि भने भएन । एनसिसिको सोमवार प्रतिकित्ता पाँच रुपैयाँ मूल्य बढेर ११९ रुपैयाँ पुग्यो ।

Tata
GBIME
Nepal Life