BIZMANDU
www.bizmandu.com

मनोज भट्टराई फेरी बिमा क्षेत्रमै फर्किए, प्राइम लाइफमा सिइओ नियुक्त, एक बर्ष बाँकी छँदै ग्रान्ड

२०७१ जेठ १३

मनोज भट्टराई फेरी बिमा क्षेत्रमै फर्किए, प्राइम लाइफमा सिइओ नियुक्त, एक बर्ष बाँकी छँदै ग्रान्ड
मनोज भट्टराई फेरी बिमा क्षेत्रमै फर्किए, प्राइम लाइफमा सिइओ नियुक्त, एक बर्ष बाँकी छँदै ग्रान्ड


काठमाडौं । ग्रान्ड बैंकमा महाप्रबन्धक मनोज भट्टराई प्राइम लाइफ इन्स्योरेन्स कम्पनीको प्रमुख कार्यकारी भएर जाने भएका छन् । प्राइमको सञ्चालक समितिले भट्टराईलाई प्रमुख कार्यकारी अधिकृत नियुक्त गरेर स्वीकृतिका लागि नियामक निकाय बिमा समितिमा पठाइसकेको छ । ग्रान्डमा उनको अझै एक बर्ष कार्यकाल बाँकी नै थियो ।
प्राइम लाइफमा केही समयदेखि व्यवस्थापनको नेतृत्व रित्तो थियो । तत्कालिन प्रमुख कार्यकारी अधिकृत रेष्टा झा दोस्रो कार्याकालका लागि नियुक्त भएपछि समितिले उनलाई अनुमोदन गरेको थिएन । त्यसयता कम्पनी नेतृत्वविहिन छ । प्राइम खेतान समूह मूख्य प्रबद्धक रहेको बिमा कम्पनी हो । कम्पनीमा झालगायतले अनियमितता गरेको प्रतिवेदनमाथि बिमा समितिले अध्ययन गरिरहेको छ ।
भट्टराई दुई महिनाअघि मात्र ग्रान्ड बैंकको कामु प्रमुख कार्यकारी अधिकृत भएका थिए । बैंकले पर्शुराम कुँवर क्षेत्रीलाई प्रमुख कार्यकारी अधिकृत बनाएको साता दिन नवित्दै भट्टराई वाहिरिन लागेका हुन् । सुधिर खत्रीले कार्यकाल दुई महिना बाँकी छँदै राजीनामा गरेपछि भट्टराईलाई कामु प्रमुख कार्यकारी अधिकृतको जिम्मेवारी दिइएको थियो ।
भट्टराई ग्रान्ड बैंक आउनुअघि नेपाल लाइफ इन्स्योरेन्सको प्रमुख कार्यकारी अधिकृत थिए । बिमा क्षेत्र जानुअघि पनि उनी बैंकिङ क्षेत्रमा कार्यरत थिए । त्रिभूवन विश्वविद्यालयबाट २०३६ सालमा स्नातकोत्तर सकेपछि उनले त्यही लेखा अधिकृतका रुपमा करियर सुरु गरेका थिए ।
त्यसपछि उनी तत्कालिन नेपाल औद्योगिक विकास निगम (अहिलेको एनआइडिसी डेभलपमेन्ट बैंक) मा शाखा अधिकृतका रुपमा छिरेका थिए । एनआइडिसीमा छँदै उनी संयुक्त राष्ट्र संघको व्यवस्थापन सल्लाहकारका रुपमा अफ्रिाका गएका थिए । त्यहाँबाट फर्किएपछि पुनः एनआइडिसीमा जोडिएका उनी सन् २००५ मा नेपाल लाइफ इन्स्योरेन्स कम्पनीमा वरिष्ठ प्रबन्धकमा रुपमा बिमा क्षेत्रमा छिरेका थिए ।
२००६ मा नेपाल लाइफ छाडेर डिएफआइडि गएका थिए भने २००७ मा त्यहाँबाट फर्किएर नेपाल लाइफको प्रमुख कार्यकारी अधिकृत भएका थिए । २०११ बाट उनी ग्रान्ड बैंकमा महाप्रबन्धकका रुपमा काम गर्दै आएका हुन । खत्रीले चैत ९ गतेबाट राजीनामा गरेपछि बैंक सञ्चालक समितिले उनलाई कामु प्रमुख कार्यकारी अधिकृत नियुक्त गरेको थियो ।

Tata
GBIME
Nepal Life