BIZMANDU
www.bizmandu.com

बर्षको पहिलो करोबारमा नेप्सेमा तीव्र उतारचढाव, नेप्से एक अंक कमले बढ्यो, २५ करोड व्यापार

२०७१ बैशाख २

बर्षको पहिलो करोबारमा नेप्सेमा तीव्र उतारचढाव, नेप्से एक अंक कमले बढ्यो, २५ करोड व्यापार
बर्षको पहिलो करोबारमा नेप्सेमा तीव्र उतारचढाव, नेप्से एक अंक कमले बढ्यो, २५ करोड व्यापार


काठमाडौं। बर्षको पहिलो कारोबार दिन नेप्से परिसूचकमा तीव्र उतारचढाव देखियो । कारोबार खुले देखि नै बढ्ने क्रममा रहेको नेप्से परिसूचकलाई नेपाल टेलिकमको सेयर मूल्यमा भएको कटौतीले बरम्बार तल ओराल्यो । तर अन्य कम्पनीहरुको मूल्यमा भएको वृद्धिले बजारको बढ्दो गति कायम राख्न नेप्से सफल भयो ।
नेपाल टेलिकम सुचीकृत ‘अन्य’ समूहको परिसूचकमा उल्लेख्य गिरावट आएसंगै बजार ओरालो लाग्यो । वाणिज्य बैंकहरुको सेयरको मूल्य वृद्धिदर पनि सुस्तियो । बजार बन्द हुँदा भने नेप्से परिसूचक ०.९३ अंकले बढेर ८१८ मा पुग्यो । २८ अंकसम्म घटेको ‘अन्य’ समूहको परिसूचक कारोबार बन्द हुँदा भने ११ अंकले घट्यो । नेप्सेमा तीव्र उतारचढाव देखिए पनि यस्तो रेञ्ज भने निकै कम रहेको थियो । चार अंक भित्रको रेञ्जमा रहेर उतार चढावमा देखिएको नेप्सेको गति स्पष्ट हुन सकेको देखिदैन । तर बजार बन्द हुँदा नेप्से बढ्ने क्रममा रहेकोले बजार बढ्ने दिशामा लाग्ने देखिन्छ ।
आइतवार जलविद्युत् समूहको परिसूचकमा पनि सुधार आउन सकेन । चिलिमेको सेयर मूल्य १३ रुपैयाँले बढेपनि बुटवल पावर र नेशनल हाइड्रोको सेयर मूल्य घट्यो । सानिमामाई र अरुणभ्यालीको भने मूल्य स्थिर रह्यो । कारोबार रकमको आधारमा यो दिन सबैभन्दा धेरै कारोबार हुनेमा चिलिमे जलविद्युत् कम्पनी रह्यो ।
कारोबारमा आएका ‘अन्य’ र जलविद्युत् बाहेक सबै समूहको परिसूचक भने बढेको छ । अधिकांश कम्पनीको सेयर मूल्यमा एक प्रतिशतभन्दा कमले फेरबदल भएको छ । सबैभन्दा धेरै रकमले मूल्य बढ्नेमा सहयोगी बिकास बैंक रहेको छ । बैंकको ९.७९ प्रतिशतले मूल्य बढेर चार सय ६० रुपैयाँ भयो । बैंकले १० बराबर १.५ अनुपातमा हकप्रद सेयर जारी गर्ने भएपछि कम्पनीको सेयर मूल्य बढेको हो । त्यस्तै, नेशनल हाइड्रोपावर कम्पनीको सेयर मूल्य साढे पाँच प्रतिशतले घट्यो । 
आइतवार एक सय २३ कम्पनीको पाँच लाख ७२ हजार कित्ता सेयर कारोबार भयो भने कुल आठ खर्ब ३४ करोड रुपैयाँको कुल बजार पूँजीकरण भयो ।
          
 

Tata
GBIME
Nepal Life