BIZMANDU
www.bizmandu.com

एनआइसी एसियाको २० प्रतिशत लाभांश स्वीकृत, निजी क्षेत्रको ठुलो पाँचमा भएको दाबी, ५० अर्ब आकार

२०७० फागुन १६

एनआइसी एसियाको २० प्रतिशत लाभांश स्वीकृत, निजी क्षेत्रको ठुलो पाँचमा भएको दाबी, ५० अर्ब आकार
एनआइसी एसियाको २० प्रतिशत लाभांश स्वीकृत, निजी क्षेत्रको ठुलो पाँचमा भएको दाबी, ५० अर्ब आकार



काठमाडौं। एनआइसी एसिया बैंकले प्रस्ताव गरेको २० प्रतिशत नगद लाभांश स्वीकृत भएको छ । शुक्रवार बिराटनगरमा सम्पन्न बैंकको सोह्रौं बार्षिक साधारण सभाले यो प्रस्ताव पारित गरेको हो ।  ५० अर्ब रुपैयाँको वासलात भएको यो बैंक निजी क्षेत्रका पाँच ठूला बैंकहरुमध्ये पर्ने बैंकको दाबी छ । 
साधारणसभामा संस्थापक शेयरधनी समुहबाट जगदिशप्रसाद अग्रवाल, त्रिलोकचन्द अग्रवाल, तुलसीराम अग्रवाल, लोकमान गोल्छा, रामचन्द्र संघाई सञ्चालकमा निर्वाचित भएका छन् । त्यस्तै, सर्वसाधारण शेयरधनी समुहबाट राजेन्द्रप्रसाद अर्याल, विरेन्द्रकुमार संघाई र बिनोदकुमार प्याकुरेल सञ्चालकको रुपमा निर्विरोध निर्वाचित भएका छन । 
५३ शाखा र ५७ एटीएम रहेको बैंकले चालु आर्थिक वर्षमा थप १४ वटा शाखा कार्यालय र एटिएम विस्तार गर्ने योजना बनाएको छ । बैकको गत आव २०६९/७० मा ३९ अर्ब ९१ करोड  निक्षेप,  ३१ अर्ब ५५ करोड कर्जा लगानी गरेको छ । बैंकको यो अवधिमा ६४ करोड २१ लाख नाफा रहेको थियो । नेपाल इण्डष्ट्रियल एण्ड कमर्सियल बैंक र बैंक एफ एसिया मिलेर बनेको बैंकको मर्जर पछिको यो पहिलो साधारण सभा हो । 
  
 

Tata
GBIME
Nepal Life