सिभिल बैंक, सिभिल फाइनान्स र एक्सिस विकास बैंक गाभ्ने सहमति, मर्जपछि चुक्ता पुँजी तीन अर्ब

काठमाडौं । सिभिल बैंकमा एक्सिस डेभलपमेन्ट बैंक र सिभिल मर्चेन्ट वित्तीय सस्था गाभिने भएका छन् । यी तीन वटा सस्था एक आपसमा गाभिन सोमबार राति संझौता भएको छ । सिभिल बैंक र सिभिल मर्चेन्ट वित्तीय सस्थाको प्रमुख सेयर धनी एउटै समूहका हुन् । एक्सिस डेभलपमेन्ट बैंक छुट्टै स्वामित्वको हो ।

सिभिल बैंक लिमिटेडका अध्यक्ष ई। इच्छाराज तामाङ्ग, एक्सिस डेभलपमेन्ट बैंकका अध्यक्ष बिदुर धमला तथा सिभिल मर्चेन्ट वित्तीय संस्था लिमिटेडका सञ्चालक अरुणराज श्रेष्ठ मर्जर सम्झौतामा हस्ताक्षर गरेपछि

एक्सिस र सिभिल वित्तीय सस्थाको सेयर स्वाप रेसियोका विषयमा आन्तरिक सहमति भएपछि मर्जको लागि त्रिपक्षीय संझौता भएको हो । सम्झौता पत्रमा सिभिल बैंकका अध्यक्ष ई. इच्छाराज तामाङ्ग, एक्सिस डेभलपमेन्ट बैंकका अध्यक्ष बिदुर धमला तथा सिभिल मर्चेन्ट वित्तीय संस्थाका सञ्चालक अरुणराज श्रेष्ठले हस्ताक्षर गरेको बैंकले मंगलवार जारी प्रेस विज्ञप्तिमा छ ।
यी दुबै सस्थाको सेयर प्रतिकित्ता ८० रुपैयाँ भन्दा कम मुल्य कामय गरेर गाभिने सहमति भएको बैंक सम्बद्ध स्रोतले जनाएको छ । ड्यु डेलिजेन्स अडिट( डिडिए) गरेपछि मात्रै यकिन स्वाप रेसियो निस्कने छ । कर्मचारी व्यवस्थापनका विषयमा भने सहमति भइसकेको छ । मर्जको क्रममा र भएपछि तीन वटै सस्थामा काम गर्ने कुनै पनि कर्मचारीलाई नहटाइने सहमति भएको छ । मर्ज पछि पनि बैंकको नाम सिभिल बैंक लिमिटेड नै रहने छ ।

एक्सिस डेभलपमेन्ट बैंकको उच्च पदमा रहेका कर्मचारीमा पनि बाणिज्य बैंकको अनुभव कम भएकोले पद मिलान गर्ने विषयमा सहमति गर्न समय लागेको सिभिल बैंकका एक अधिकारीले बताए । दुबै पक्षले वित्तीय समीक्षा सम्पन्न गरिसकेका छन्  भने सञ्चालक समितिमा हुने प्रतिनिधित्वको विषयमा सहमति भइसकेको जानकारी दिइएको छ । पशुपति र उद्यम विकास बैंक गाभिएर गत वर्ष एक्सिस डेभलपमेन्ट बैंक बनेको हो ।

पुजीबृद्धि र सञ्जाल विस्तारका लागि मर्ज आवश्यक ठानिएकोले यी तीन सस्थाबीच मर्जको प्रक्रिया सरु भएको बैंक व्यवस्थापनका उच्च अधिकारीले जनाएका छन् । मर्ज हुने विषयमा सिभिल बैंकका तर्फबाट सञ्चालक समितिका अध्यक्ष इच्छाराज तामाङ, एक्सिस डेभेलपमेन्ट बैंकका विदुर धमला र सिभिल मर्चेन्ट वित्तीय सस्थाका तर्फबाट सञ्चालक अरुण श्रेष्ठले संझैता पत्रमा हस्ताक्षर गरेका छन् । मर्जपछि बन्ने बैंकको चुक्ता पुँजी दुई अर्ब ९० करोड रुपैयाँ पुग्छ । त्यस्तै शाखा संख्या पनि ३२ पुग्छ । सिभिलले गत वर्ष ८० करोड रुपैयाँ बराबरको प्राथमिक सेयर जारी गरेर चुक्ता पुँजी दुई अर्ब पुर्याएको थियो ।
स्टक एक्सचेन्जमा एक्सिसको सेयर प्रतिकित्ता ८० रुपैयाँ र सिभिल बैंकको सेयर प्रतिकित्ता एक सय ३९ रुपैयाँको हाराहारीमा कारोबार भइरहेको छ । गत आर्थिक वर्षको प्रकाशित वित्तीय विवरण अनुसार सिभिलले १२ करोड १२ लाख र एक्सिसले दुई करोड तीन लाख रुपैयाँ खुद मुनाफा आर्जन गरेका छन् । हाल सिभिलको मुख्य कार्यालय र १९ वटा शाखा छन् । एक्सिसको मुख्य कार्यालय र १० वटा शाखा छन् । सिभिलका मुख्य कार्यालय सहित तीन वटा शाखा छन् ।