BIZMANDU
www.bizmandu.com

दोब्बर नाफाले लोभिएनन् लगानीकर्ता, ग्राण्ड बैंकको सेयर मूल्य घट्यो, नेप्सेमा सुधार

२०६९ साउन २१

दोब्बर नाफाले लोभिएनन् लगानीकर्ता, ग्राण्ड बैंकको सेयर मूल्य घट्यो, नेप्सेमा सुधार
दोब्बर नाफाले लोभिएनन् लगानीकर्ता, ग्राण्ड बैंकको सेयर मूल्य घट्यो, नेप्सेमा सुधार

काठमाडौं । गत आर्थिक वर्षमा उच्च मुनाफा आर्जन गरेको प्रतिवेदन सार्वजनिक गरेकै दिन ग्राण्ड बैंकको सेयर मुल्य घटेको छ । आइतबार कम्पनीको सेयर मूल्य प्रति सेयर नौ रुपैंया (४.२१ प्रतिसतल) ले घटदै २०५ रुपैंयामा आएको छ । आईतबार बैंकका २० लाख ३१ हजार रुपैंया बराबरका ९ हजार ७ सय ६४ कित्ता सेयर कारोबार भएका छन् । बैंकले आईतबार सार्वजनिक गरेको गत आर्थिक वर्षको वित्तीय प्रतिवेदन अनुसार नाफा दोब्बर भन्दा बढिले बढेको छ । २०६७/६८ मा ८ करोड ९० लाख नाफा गरेको बैंकले २०६८/६९ मा १८ करोड ३६ लाख नाफा गरेको वित्तीय विवरणले देखाउँछ ।  
मुनाफामा उच्च वृद्धि भएको विवरणमा वावजुद बैंकको सेयर मूल्य घटनुले बैंकको नतिजाप्रति लगानिकर्ता सकारात्मक नभएको देखिन्छ । दुई अर्व चु्क्ता पुँजी भएको बैंकले हालै मात्रै रि–ब्राण्डिङ गर्दे साविकको नाम डिसिबिएलबाट ग्राण्ड बनेको हो ।
नेप्सेमा सुधार
यता नेप्सेले साताको सुरुवात सकारात्मक सन्देशका साथ गरेको छ । आइतबार नेप्से परिसूचक ०.७४ अंकले बढदै ४०२.९३ मा रहेको छ । बुधबार होटल तथा वित्त बाहेक अन्य सबै समूहगत उपसूचकहरु उकालो लागेका छन् । विगत केहि दिनदेखि उच्च मुल्य घटने कम्पनीको सूचीमा अग्रस्थानमा रहको नेपाल आवास फाइनान्स कम्पनीले बुधबार पनि यहि क्रमलाई निरन्तरता दिंदा कम्पनीको सेयर मुल्य १२ रुपैंया (९.३० प्रतिसत) ले  घटेर १ सय १७ मा आएको छ । उच्च दरमा मूल्य बढ्ने कम्पनीमा अग्रस्थानमा रहेको प्राईम लाईफ इन्स्योरेन्सको सेयर मूल्य २३ रुपैंया (९.७९ प्रतिसत) ले बढेर प्रति सेयर २ सय ५८ पुगेको छ ।
आइतबार ४ करोड ९७ लाख रुपैंया बराबरको १ लाख ३७ हजार ९ सय ७० कित्ता सेयर कारोबार भएको छ । आईतबार उच्च कारोबार गर्ने कम्पनीको सूचीमा अग्रस्थानमा रहको चिलिमे हाइड्रोपावरको कम्पनीको १ करोड ४२ लाख रुपैंया बराबरका र दोश्रो स्थानको एभरेष्ट बैंकको ६५ लाख ६४ हजार रुपैंया बराबरको कारोबार भयो ।

Tata
GBIME
Nepal Life

यो पनि पढ्नुहोस्

ग्रान्ड बैंकको नाफा दोब्बरले बढ्यो, १८ करोड मुनाफा, लगानीकर्तालाइ प्रतिफल १० प्रतिशत

http://www.bizmandu.com/content/-451.html#.UB5ugqBeP1Q