BIZMANDU
www.bizmandu.com

तारा एअरको काठमाडौँ भोजपुर उडान सुरू, पाँच हजार रूपैयाँ भाडा

२०६९ साउन १५

तारा एअरको काठमाडौँ भोजपुर उडान सुरू, पाँच हजार रूपैयाँ भाडा
तारा एअरको काठमाडौँ भोजपुर उडान सुरू, पाँच हजार रूपैयाँ भाडा


काठमाडैं । दुर्गम क्षेत्रमा थप सेवा पुर्याउन तारा एअरले सोमवारदेखि काठमाडौँ भोजपुर उडान सुरू गरेको छ । पहिलो उडानमा काठमाण्डौबाट भोजपुर १५ जना र भोजपुरबाट काठमाडौँबाट १२ जनाले यात्रा गरेको कम्पनीले जानकारी दिएको छ | अबदेखि तारा एअरले हरेक सोमबार, हप्तामा एक पटक नियमित उडान गर्ने कार्यक्रम राखेको छ |

१६५० मी. लामो धावन मार्ग रहेको भोजपुर बिमानस्थल ३९६२ फिट उचाइमा अवस्थित छ | भोजपुरसम्म पुग्न काठमाडौँबाट ट्वीनअटर बिमानमा ४५ मिनेटको हवाई यात्रा गर्नु पर्छ | काठमाडौँबाट बिहान ९.२० बजे र भोजपुरबाट बिहान १०.२५ बजे हुने यो उडानको लागि नेपाली यात्रुले प्रति चार हजार नौसय पन्चानब्बे इन्धन शुल्क सहित र बिदेशी यात्रुले १३२ अमेरिकी डलर भाडा तिर्नु पर्नेछ |
भोजपुरमा हवाई यात्राको टिकटको लागि सम्पर्क गर्नको निमित्त लालुपाते ट्राभल नियुक्त गरेको कम्पनीले जानकारी दिएको छ | हवाई सेवाले भोजपुरबासी संगै पुर्बी भेगका यात्रु निर्माण सामग्री, खाद्यान्न ढुवानी लगायत आवत जावतमा सहज हुने कम्पनीले विश्वास लिएका छ | तारा एअरले काठमांडौबाट लुक्ला, फाप्लु, लामीडाँडा, तुम्लिङटार, रामेछाप,पोखराबाट जोमसोम,मनाङ्ग नेपालगन्ज तथा सुर्खेतबाट डोल्पा, जुम्ला, बाजुरा, सिमिकोट, रारामा नियमित हवाई सेवा पुर्र्याउदै आएको छ |
यती एअरलाइन्स र तारा एअरले बिगत १४ बर्षदेखि नेपालको आन्तरिक हवाई उड्डयनमा नीजी क्षेत्र बाट अग्रणी भुमिका खेल्दै आएको तारा एअरका उप निर्देशक सरल शमशेर ज.ब.रा.ले जानकारी दिए ।

Tata
GBIME
Nepal Life