सोनीका दुई मोडलका क्यामरा नेपाली बजारमा, मूल्य साढे २३ हजारबाट सुरु

काठमाडौं । सोनीको आधिकारिक बिक्रेता नेपा हिमा ट्रेड लिंकले सोनीका दुई क्यामराको बिक्री सुरु गरेको छ । कम्पनीले मंगलबार पत्रकार सम्मेलन गरी क्यामराको बिक्री वितरण सुरु भएको जानकारी दिएको हो । कम्पनीले डिएससी–एच १०० र सिएससी–एच २०० मोडलका क्यामराको बिक्री सुरु गरेको हो । २३ हजार ५ सय रुपैयाँ बजारमूल्य  तोकिएको सिएससी–एच १०० २१ गुणा जुम क्षमताका साथै १६.१ मेगापिक्सेल छ । सिएससी–एच २००मा २६ गुणा जुम क्षमता रहेको कम्पनीले जनाएको छ । यसमा २०.१ मेगा पिक्सेल क्षमता छ । कम्पनीले यो क्यामराको मूल्य २६ हजार रुपैयाँ तोकेको छ ।