एनसिसी घोटालामा कांग्रेस नेतासहित १३ जना पक्राउ, एक अर्ब ५१ करोड रुपैयाँ घोटालाको आरोप

काठमाडौं। एनसिसी बैंक घोटाला प्रकरणमा विष्णुप्रसाद धितालसहित १३ जनालाई प्रहरीले पक्राउ गरेर अनुसन्धान थालेको छ। धिताल कांग्रेस नेतासमेत हुन्।

 

प्रहरीको केन्द्रीय अनुशन्धान विभाग (सिआइबी) ले इच्छावहादुर गुरुङ, सुवर्ण राजभण्डारी, वधुवनलाल श्रेष्ठ, ऋषिराज भट्ट, दुर्गादत्त जोशी, रामचन्द्र बसौला, विकास श्रेष्ठ, सागर न्यौपाने, मानवहादुर राउत, विनितमणि उपाध्याय, मोहन खरेल र सुदिप थापालाई पक्राउ गरेको हो।

 

उनीहरुलाई पक्राउ गरि बैंकिङ कसुर अभियोगमा कारवाही प्रकृया अगाडि बढाइएको छ। उनीहरुलाई एक अर्ब ५० करोड ९६ लाख ३३ हजार ९८४ रुपैयाँ दूरुपयोग गरेको अभियोग लागेको छ।