राष्ट्र बैंकको नाफा चार गुणा वढेर ३८ अर्ब ३० करोड पुग्यो, डलर किनबेचबाट ३० अर्ब ७६ करोड आम्दानी

काठमाडौं । नेपाल राष्ट्र बैंकको नाफा एक वर्षमा चार गुणाले वढेको छ । केन्द्रीय बैंकको नाफा बढेर ३८ अर्ब ३० करोड ९२ लाख रुपैयाँ पुगेको हो । सरकारको समेत बैंक राष्ट्र बैंकले अघिल्लो वर्ष ९ अर्ब ७२ करोड रुपैयाँ नाफा थियो ।
कुल नाफामा सबैभन्दा वढी हिस्सा विदेशी मुद्रा विनिमयको छ । बैंकले डलरलगायत अन्य मुद्रा किनबेचबाट ३० अर्ब ७६ करोड रुपैयाँभन्दा वढी आम्दानी गरेको छ । अघिल्लो वर्ष विदेशी मुद्रा किनबेचबाट जम्मा १ अर्ब ८५ करोड रुपैयाँ मात्र आम्दानी भएको थियो । केन्द्रीय बैंकको आम्दानी सुनचाँदीबाट पनि वढेको छ । यसबाट बैंकको आम्दानी १ अर्ब ७० करोड रुपैयाँ पुगेको छ ।
राष्ट्र बैंकले स्वदेशी, विदेशी बैंक र अन्य एजेन्सीहरुलाई सापटी दिएर व्याज आम्दानी ८ अर्ब ५० करोड गरेको छ । अघिल्लो वर्ष ३ अर्ब ७६ करोड रुपैयाँ गरेको थियो ।
राष्ट्र बैंकले सार्वजनिक गरेको गत आर्थिक वर्षको व्यालेन्सिट अनुसार, नाफाको थोरै हिस्सा मात्र सरकारलाई लाभास शिर्षकमा वुझाइएको छ । राष्ट्र बैंकले गर्ने सम्पूर्ण नाफा सरकारको हुन्छ । राष्ट्र बैंक सञ्चालक समितिले गत कात्तिक २४ गते नै वासलात पारित गरेपनि सार्वजनिक भने यसै साता गरिएको हो ।