बाढी पीडितका लागि व्यावसायिक संगठनको सहयोग जारी, चेम्बरले एक करोड सहयोगको घोषणा

काठमाडौँ। नेपाल चेम्बर अफ कमर्शले बाढीपीडितलाई  एक करोड एक लाख नगद एवं जिन्सी सहयोग गर्ने भएको छ  । 

 

चेम्बरको आज कान्तिपथमा बसको बैठकले देशका विभिन्न भू–भागमा आएको अविरल वर्षापछि आएको भीषण बाढी पहिरोबाट पीडितलाई उक्त राहत प्रदान गर्ने निर्णय गरेको हो । चेम्बरले प्राकृतिक प्रकोपका पीडितलाई राहत पुर्याउन उपाध्यक्ष राजेन्द्र मल्लको संयोजकमा २३ सदस्यीय समिति गठन गरेको चेम्बरद्वारा जारी विज्ञप्तिमा उल्लेख गरिएको छ । 

 

साथै, चेम्बरले बाढीपीडितलाई सहयोग गर्ने इच्छुक दातालाई ग्लोबल आइएमई बैंक लिमिटेड कान्तिपथको खाता नं  ०१०१०१०००६१२३ मा रकम जम्मा गर्न सक्ने व्यवस्थासमेत मिलाएको छ ।