ब्रिक्स विकास बैंक बनाउन उदयिमान देशहरु तयार, सय अर्ब डलरको आपतकालीन कोष खडा

डरबन । उदाउँदो अर्थतन्त्र भएका देशको समुह ब्रिक्स विकास बैंक खोल्नका लागि तयार भएका छन् । यी देशले आपातकालीन ऋण संकटमा सहयोग पुर्याउन एक सय अर्ब डलरको आर्थिक कोष पनि खडा गर्न सहमत भएका छन् । ब्रिक्समा ब्राजिल, रुस, भारत, चीन र दक्षिण अफ्रिका सदस्य छन् ।
डरबनमा चलिरहेको बैठकमा ब्रिक्स देशका शीर्ष नेताहरु ब्रिक्स व्यवसायिक परिषद् स्थापना गर्न पनि सहमत भएका छन् । यो परिषद्ले ब्रिक्स देशवीचका कम्पनीहरुको व्यापार, लगानीमा सहयोग गर्नका साथै प्रोत्साहन पनि गर्नेछ ।
बैठकमा ब्रिक्स बैंक बनाउने प्रस्तावलाई ब्रिक्स देशका वित्त मन्त्रीहरुले स्वीकार गरेका हुन्, बैंक स्थापना गर्ने प्रस्तावपछि शीर्ष नेताहरुले आफूहरु बैंक स्थापना गर्ने विषयबाट सन्तुष्ट भएको र यो व्यवहारिक रुपमा चलाउन सकिने समेत बताए ।