अन्तर्राष्ट्रिय बजारमा कच्चा तेलको मूल्य घट्यो, आयल निगमको नाफा पनि २० करोड माथि पुग्यो

इण्डियन आयल कर्पोरेशन(आइओसी)ले मे १५मा पठाएको नयाँ मूल्य अनुसार निगमको नाफा बढेको हो।निगमका प्रवक्ता सिताराम पोखरेलका अनुसार निगमको नाफा २० करोड भन्दा माथि पुग्ने प्रक्षेपण गरिएको छ।
 

प्रत्येक महिना सबै पेट्रोलियम पदार्थको र १५ दिनमा पेट्रोल र डिजलको मात्रै मूल्य आइओसीले पठाउँछ।नयाँ मूल्य अनुसार निगमलार्इ पेट्रोलमा ७ रुपैयाँ र डिजलमा २ रुपैयाँ नाफा छ।यसअघि पेट्रोल र डिजलमा प्रतिलिटर ४ रुपैयाँ ७ पैसा र ८९ पैसा मात्रै नाफा थियो।अन्तर्राष्ट्रिय बजारमा कच्चा तेलको मूल्य प्रति ब्यारल ५१ डलर ६५ सेन्टमा झरेको छ।