काठमाडौं । नेपाल वायु सेवा निगमले जहाज किन्ने ऋणका लागि कर्मचारी सञ्चय कोष र नागरिक लगानी कोषमा औपचारिक आवेदन दिएको छ।
निगमले दुई कोषसँग २२ अर्ब रुपैयाँ ऋण मागेको छ। अब अर्थमन्त्रालयसँग बसेर ‘टर्म एन्ड कन्डिसन’ टुङ्ग्याएपछि ऋण जारी गर्ने कोष स्रोतले बतायो। ‘टर्म एन्ड कन्डिसनमा धेरै त पुरानै छ, ब्याजदरबारे मात्र नयाँ छलफल हुनेहो’ स्रोतले भन्यो।
२२ अर्ब रुपैयाँ कर्मचारी सञ्चय र नागरिक लगानी कोषले कति कति लगानी गर्ने भन्ने पनि टुङ्गो लाग्न बाँकी छ।
निगमले अमेरिकाको एएआर कर्पोरेसनबाट एयरबसका दुई वाइडबडी जहाज खरिद गर्ने सम्झौता गरि सकेको छ। दुई महिना अघि बैना स्वरुप ५० करोड रुपैयाँ भुक्तानी गरेको निमगले पहिलो किस्तामा आठ अर्ब रुपैयाँ पठाउनु पर्ने हुन्छ। दुबै जहाज अर्को बर्ष आइ पुग्नेछन्।