चीनमा फोरजीमा आकर्षण, तीन महिनामा ६ करोड फोरजी चलाउने थपिएर ८३ करोड पुगे प्रयोगकर्ता

चीन। चीनमा पछिल्लो समय ‘फोर–जी नेटवर्क’ प्रयोग गर्ने नागरिकको सङ्ख्यामा उल्लेख्य वृद्धि भएको चीनको उद्योग तथा सूचना प्रविधि मन्त्रालयले बुधबार जनाएको छ ।

 

मन्त्रालयका अनुसार तीन महिना पहिला ७७ करोड व्यक्तिले प्रयोग गर्ने गरेको उक्त नेटवर्क प्रविधि प्रतिको आकर्षण बढ्दै गएका कारण मार्चसम्म आइपुग्दा थप ६ करोडले चलाउन थालेका छन् ।

 

पछिल्लो समय आधुनिक प्रविधिप्रतिको मोहका कारण नागरिकले प्रयोग गर्दै आएका सेवालाई चुस्त र दुरुस्त राख्न चिनियाँ फोर–जी प्रदायक कम्पनीले उनीहरुका डाटामा पनि थप गरेका बताइएको छ ।

 

पहिलो त्रैमासिकलाई मुल्याङ्कन गर्दा चिनियाँ फोर–जी प्रयोगकर्ताले प्रति महिना सरदर १.२८ गिगाबाइट डाटा प्रयोग गरेका बताइएको छ । सन् २०१६ को सोही समयमा सरदर एक गिगाबाइट प्रतिव्यक्ति प्रति महिना प्रयोग हुने गर्थ्यो ।