इन्फिनिटी माइक्रोफाइनान्सले थाल्यो कारोबार, संस्थामा प्राध्यापकदेखि इन्जिनियरसम्मको लगानी

गैडाकोटमा रहेको माइक्रोफाइनान्समा पूर्वसचिव,प्राध्यापक,बैकर्स,इन्जिनियर र व्यापारीको लगानी छ।माइक्रोफाइनान्सको औपचारिक उद्घाटन राष्ट्र बैंकका गभर्नर डा. चिरञ्जिवी नेपालले गरे।

संस्थाका प्रमुख कार्यकारी अधिकृत केशवकुमार पौडेलले छिट्टै दश वटा शाखा खोल्ने बताए।कम्पनी सचिव दिनेश अधिकारीले लघुवित्तमार्फत न्यून आय भएका व्यक्तिलार्इ सेवा दिने बताए।संस्थाका सदस्य प्राडा भोजराज अर्यालले इन्फिनिटी इन्स्योरेन्सको अवधारणामा माइक्रोफाइनान्सलार्इ अघि बढाउने बताए।

उनले शाखाहरु बिस्तार गर्दा एकैपटक धेरै शाखाहरु नखोली क्रमसः खोल्नुपर्ने बताउँदै कर्जा लगानीमा सचेत रहन आग्रह गरे। गभर्नर नेपालले लघुवित्त संस्थाहरु ग्रामीण क्षेत्रमा सहयोगी हातहरुको रुपमा हुनुपर्ने बताउँदै वित्तीय पहुंच नपुगेको ठाउंमा सेवा दिन आग्रह गरे।