BIZMANDU
www.bizmandu.com

क्यान इन्फोटेक, उत्साहजनक दर्शक, कम्प्युटरदेखि इन्टरनेटसम्म छुटै छुट (तस्वीर समाचार)

२०६९ माघ २४

क्यान इन्फोटेक, उत्साहजनक दर्शक, कम्प्युटरदेखि इन्टरनेटसम्म छुटै छुट (तस्वीर समाचार)
क्यान इन्फोटेक, उत्साहजनक दर्शक, कम्प्युटरदेखि इन्टरनेटसम्म छुटै छुट (तस्वीर समाचार)


बसन्त खड्का/बिजमाण्डू
काठमाडौं । राजधानीको भृकुटी मण्डपमा आजदेखि सूचना र प्रविधिसम्बन्धी मेला क्यान इन्फोटेकको सुरु भएको छ । मेलालाई  विज्ञान तथा प्रविधि सचिव केशव भट्टराईले उदघाटन गरे । सूचना र प्रविधिसम्बन्धी सामग्रीको प्रदर्शन गर्ने उदेश्यले आयोजना गरिएको मेलामा दर्शकको राम्रै भीड लागेको छ ।

ल्यापटप, मोबाइल, विद्युतीय उपकरण इन्टरनेट लगाएतका गरि १२४ स्टल रहेको मेलामा विभिन्न कम्पनीले नयाँ र आधुनिक प्रविधिका सेवा तथा सामग्रीहरु उपलब्ध गराएका छन् ।

Tata
GBIME
Nepal Life


मेलामा सिद्धार्थ बैंक तथा एफवन सफ्टले मोवाइल वालेट सेवा उपलब्ध गराएका छन् । त्यस्तै नेपाल टेलीकमले एक सय रुपैयाँको सिमकार्ड लिँदा एक सय रुपैयाँ बरावरको रकम सुबिधा तथा वाइम्याक्स इन्टरनेट सुविधा समेत उपलब्ध गराएको छ ।


त्यस्तै एन्युस कम्पनीले एउटा ट्याबलेटको खरिद गर्दा तीन हजार बरावरको ब्याग, माउस पेनड्राइभ लगाएतका सामग्री उपहार स्वरुप उपलब्ध गराएको छ ।


म्याक्स इन्टरनेशनलले डेलको अल्ट्राबुक मेलामा राखेको छ । ६ जीबी रयाम ५०० जीबी हार्ड डिस्क सहितको तेस्रो पुस्ताका जेनेरेसन लाई समेटेर तयार गरिएको आइ–७ अल्ट्राबुकलाई स्पेसल अफर सहित मेलामा ९५ हजार रुपैयाँमा उपलब्ध गराएको छ ।


त्यस्तै मेगाटेकले लेनोभोको नयाँ टयाबलेट मेलामा राखेको छ डबल सिम, डबल क्यामरा र सात इन्चको स्क्रिन, एक गीगा हर्ज प्रोसेसर र एक जीबी मेमोरी सहितका सुविधा रहेको टयाबलेटलाई स्पेसल अफर सहित २५ हजार रुपैयाँमा उपलब्ध गराएको  कम्पनीले जानकारी दिएको छ । सामसङ पनि दर्शकको रोजाइमा छ ।


इप्सनले विभिन्न किसिमका प्रिन्टर तथा प्रोजेक्टरलाई १५ प्रतिशत छुट सहित बिक्री गरिरहेको बताएको छ । क्याननले पनि सेवा, गुणस्तर र छुटको योजनासहित मेलामा सहभागी भएको छ । क्लासिक टेकले मेलामा स्पेसल अफर सहित १५ एमबि डाटास्पीड सहितको इन्टरनेटलाई १५ जीबी डाटा सहित प्रत्येक महिना १५ सय रुपैयामा उपलब्ध गराउने जानकारी दिएको छ ।


क्लासिक टेकले मेला स्थलमा फ्रि वाइ फाइ सेवा समेत उपलब्ध गराएको छ । करिब साढे चार लाख दर्शकले अवलोकन गर्ने अपेक्षा गरिएको मेला आउँदो ६ दिन सम्म चल्ने आयोजकले जानकारी गराएका छन  ।


मेलामा प्रविधिसम्बन्धी नयाँ र पछिल्ला सस्करणलाई समेत उपलब्ध गराउने उद्देश्यले मेलाको आयोजना गरिएको आयोजक क्यान इन्फोटेकका महासचिव अमृतकुमार पन्तले जानकारी दिए । ‘हामीले सुचना र प्रविधिसँग नजिक हुन चाहनेलाई मध्यनजर गरि यो मेलाको आयोजना गरेका हौ’, उनले भने । मेलामा नयाँ र पछिल्लो समयमा बजारमा आएका प्रविधिसम्बन्धी सेवा र सामग्रीलाई पनि राखिएको पन्तले बताए ।