BIZMANDU
www.bizmandu.com

नेपाल टेलिकमको मोवाइलबाट ३० पैसामा फोन, आधा मूल्यमा एसएमए, ल्याण्डलाइनमा थप कल

२०६९ माघ २२

नेपाल टेलिकमको मोवाइलबाट ३० पैसामा फोन, आधा मूल्यमा एसएमए, ल्याण्डलाइनमा थप कल
नेपाल टेलिकमको मोवाइलबाट ३० पैसामा फोन, आधा मूल्यमा एसएमए, ल्याण्डलाइनमा थप कल

Tata
GBIME
Nepal Life
  • टेलिकमको वार्षिकोत्सव अफर
  • ल्याण्डलाइनमा न्युनत्तम शुल्कमा २२५ कल
  • मोवाइलमा रात्री कल प्रतिमिनेट ३० पैसा
  • टेलिकमको एसएमएसमा आधा पैसा छुट
  • बेलायतमा प्रतिमिनेट चार रूपैयाँमा फोन
  •  

काठमाडौं । नेपाल टेलिकमको वार्षिकोत्सव सेरोफेरोमा एनसेलले पैसा डबल योजना ल्याएको छ, यस्तोमा नेपाल टेलिकम पनि किन पछि पर्दथ्यो ? टेलिकमले पनि वार्षिकोत्सव अवसर भन्दै ल्याण्डलाइन, एसएमएस, रात्री कल, अन्तराष्ट्रिय कल र वाइम्याक्स इन्टरनेटमा आर्कषक सुविधा दिएको छ ।
वार्षिकोत्सवमा छुट अफर अन्र्तगत नेपाल टेलिकमको ल्याण्डलाइन टेलिफोनमा मासिक दुई सय रुपैयाँको न्युनतम शुल्कमा २२५ कल गर्न सकिने सुविधा दिएको छ । यो योजना फागुन १ गतेदेखि बैसाख मसान्तसम्म कायम रहनेछ । यसअघि दुई सय रुपैयाँमा १७५ कल गर्न सकिने सुविधा थियो ।
टेलिकमले ल्याण्डलाइन टेलिफोनमा तीन महिनाका लागि ५० कल अतिरिक्त सुविधा थपेको हो । त्यसैगरी टेलिकमले एसएमएसमा पनि ५० प्रतिशत सुविधा दिएको छ, यो सुविधा टेलिकमको नेटवर्क भित्रका जिएसएम र सिडिएमए सेवामा लागू हुने जानकारी टेलिकमले दिएको छ । यो सुविधा सोमवारबाटै लागू भएर फागुन मसान्तसम्म रहनेछ ।  अब प्रति एसएमएस ५० पैसा मात्र लाग्नेछ, यसअघि एक रूपैयाँ लाग्दथ्यो ।  नेपाल टेलिकमले रात्री कलमा पनि सुविधा थपेको छ । अब राती १० बजेदेखि बिहान छ बजेसम्म नेपाल टेलिकमको जिएसएम र सिडिएमए टेलिफोनबाट फोन गरेको प्रतिमिनेट ३० पैसा मात्रै लाग्नेछ । यसअघि रात्री कल प्रतिमिनेट ५५ पैसा लाग्दथ्यो । यो योजना पनि सोमवारदेखि लागू भएर फागुन मसान्तसम्म रहने कम्पनीले जानकारी दिएको छ ।
अन्तराष्ट्रिय कलमा १४२४ को एक्ससे कोडमा अष्ट्रेलिया र बेलायत फोन गर्दा छुट पाइने भएको छ । अब अष्ट्रेलिया सात रुपैयाँ ७५ पैसा र बेलायत चार रुपैयाँ प्रतिमिनेट पर्नेछ । यो सेवा पनि सोमवारबाटै सुरु भएर फागुन मसान्तसम्म रहनेछ । यस अघि बेलायतमा फोन गर्दा प्रतिमिनेट १२ रुपैयाँसम्म लाग्दै आएको थियो । टेलिकमले वाइम्याक्स सेवा लिने कर्पोरेट ग्राहकलाई १० जिबि बोनस दिने भएको छ । यो सेवा फागुन मसान्तसम्म रहनेछ ।
यसैवीच नेपाल टेलिकमका सबै कार्यालय आज बन्द भएका छन् । टेलिकमको नवौं वार्षिकोत्सव परेकोले सबै कार्यालय बन्द भएको कम्पनीले जनाएको छ । कम्पनीले कार्यालय बन्द हुँदा पर्ने असुविधाप्रति क्षमायाचना मागेको छ । नेपाल टेलिकमले ८४ लाख ग्राहकलाई विभिन्न सेवा दिंदै आएको छ । यी ग्राहकबाट टेलिकमले गतवर्ष ३६ अर्ब ७९ करोड रुपैयाँ आम्दानी गरेको थियो ।