BIZMANDU
www.bizmandu.com

राजनीतिमा नतिजा ननिस्किएपछि राष्ट्रपति फेरी छलफलमा जुटे, शीर्ष नेतासँग परामर्श

२०६९ माघ १७

राजनीतिमा नतिजा ननिस्किएपछि राष्ट्रपति फेरी छलफलमा जुटे, शीर्ष नेतासँग परामर्श
राजनीतिमा नतिजा ननिस्किएपछि राष्ट्रपति फेरी छलफलमा जुटे, शीर्ष नेतासँग परामर्श


काठमाडौँ । राजनीतिक संकट समाधानको जिम्मा दललाई दिएको केही साता वित्दा पनि कुनै ठोस नतिजा ननिस्किएपछि बुधवार राष्ट्रपति डा. रामवरण यादवले ठूला दलका शीर्ष नेता र प्रधानमन्त्रीसँग फेरी छलफल गरेका छन् । राष्ट्रपति यादवले बुधवार बिहान शीतलनिवासमा बोलाएर दलका नेताहरुसँग छलफल गरे पनि त्यसबाट कुनै सकारात्मक नतिजा आउन सकेन ।
राष्ट्रपति सामु सबै दलले आफ्नो पुरानै रोडम्याप र एजेण्डा राखेका थिए । राष्ट्रपति यादवले आपसी छलफल एवम् वार्ताबाट छिटो सहमति खोज्न आग्रह गरेपछि छलफल टुङ्गिएको थियो । आन्दोलन  र जनपरिचालनका कार्यक्रमले दलहरुबीच सहमतिभन्दा मुठभेडको अवस्था नजिकिँदै गइरहेको बेला राष्ट्रपति र एनेकपा माओवादी, नेपाली काँग्रेस, नेकपा (एमाले) र संयुक्त लोकतान्त्रिक मधेसी मोर्चाका शीर्ष नेताबीच छलफल भएको हो ।
छलफलपछि नेकपा (एमाले)का अध्यक्ष झलनाथ खनालले सत्तापक्षका कारण सहमति जुट्न नसकेको भन्दै सत्तापक्षकै कारण मुठभेडको अवस्था आएको र प्रतिपक्षी दल समेत निकासको लागि आन्दोलनमा जानुपरेको बताए । माओवादी नेता अमिक शेरचनले सबै दलले आ–आफनो दलको चिन्ता राख्ने काम भएको र सहमति गरेर छिटो चुनावमा जाउँ भन्ने कुरा राखेको बताए । राष्ट्रपतिले दललाई मिल्न, ढुङ्गामुढा नगर्नु आग्रह गर्नुभएको छ, शेरचनले भने ।
प्रधानमन्त्रीसँग पनि परामर्श
राष्ट्रपति यादवले बुधवारै प्रधानमन्त्री डा. बाबुराम भट्टराईसँग पनि राजनीतिक संकट टुङ्गयाउने विषयमा परामर्श गरेका छन् । भेटमा प्रधानमन्त्री डा भट्टराईले जेठ १५ गतेभित्र निर्वाचन गरी राजनीतिक गतिरोधलाई निकास दिने विषयमा छलफल अघि बढेको बताएका थिए । उनले निर्वाचनसम्वन्धी अध्यादेश जारी गरेर निर्वाचनका लागि दवाव बनाउन राष्ट्रपतिसमक्ष आग्रह समेत गरेका थिए । राष्ट्रपति यादवले दलहरुबीच छिटो सहमति गरेर मुलुकमा विद्यमान राजनीतिक तिरोधको निकास दिन प्रधानमन्त्रीर्ला आग्रह गरेका थिए ।

Tata
GBIME
Nepal Life