सस्तोमा दिँदा पनि साल्ट ट्रेडिङको चिनी बिक्री भएन, चार रुपैयाँका लागि उपभोक्ता भारतीय बजारमै

विराटनगर। खुल्ला सिमानाका कारण साल्टट्रेडिङ लिमिटेडले सञ्चालन गरेको सुपथ मूल्यको पसलबाट चिनी बिक्री हुन सकेको छैन ।

दसैँ–तिहारलाई मध्यनजर गरी कार्यालयले चिनीको मूल्य प्रतिकिलो ७९ रुपैयाँ निर्धारण गरेको तर सीमावर्ति बजार जोगवनीमा प्रतिकिलो ६५ रुपैयाँमा चिनी पाइने गरेकाले साल्टट्रेडिङका साथै बजारका चिनी व्यापारी मारमा परेका हुन् ।

साल्टट्रेडिङले दसैँ पर्व र तिहारको उपलक्ष्यमा सर्वसाधारण ग्राहकलाई सस्तोमा चिनी र नुन उपलब्ध गराउनका लागि असोज १  गतेदेखि कात्तिक १ गतेसम्म सुपथ पसल सञ्चालनमा ल्याएको हो ।

प्रत्येक ग्राहकलाई बढीमा ६ किलो चिनी र तीन किलो नुन उपलब्ध गराउने गरिएको सो कार्यालयको प्रमुख नवीनचन्द्र झाले जानकारी दिए । नुन प्रतिकिलोमा दुई रुपैया छुट गरी १६ रुपैयाँ  र चिनी प्रतिकिलो ७९ रुपैयाँका दरमा बिक्री दर निर्धारण गरिएको छ । नुनको बिक्री भने नियमित भइरहेको सो कार्यालयले जनाएको छ ।