काठमाडौं। एनआइसी एसिया बैंकले हकप्रद सेयर निष्कासनका लागि मंसिर ११ गते बुक क्लोज गर्ने भएको छ।
बैंक सञ्चालक समितिको बुधबार बसेको बैठकले हकप्रद सेयर जारी गर्ने प्रयोजनार्थ सेयरधनी दर्ता पुस्तिका ११ गते बन्द गर्ने निर्णय गरेको हो।
बैंकले चुक्ता पुँजीको ५० प्रतिशत हकप्रद सेयर जारी गर्दैछ। बैंकको चुक्ता पुँजी हाल १४ अर्ब ९१ करोड ७५ लाख रुपैयाँ छ। बैंकले अब प्रति कित्ता १०० रुपैयाँका दरले ७ करोड ४५ लाख ८७ हजार ८३५ कित्ता सेयर जारी गर्न लागेको हो।