BIZMANDU
www.bizmandu.com

सुनचाँदीको भाउ घट्ने क्रम रोकिएन, तिहारपछि सुन तोलामा १७ हजार १०० रुपैयाँ सस्तियो

२०८३ मंसिर १

सुनचाँदीको भाउ घट्ने क्रम रोकिएन, तिहारपछि सुन तोलामा १७ हजार १०० रुपैयाँ सस्तियो
सुनचाँदीको भाउ घट्ने क्रम रोकिएन, तिहारपछि सुन तोलामा १७ हजार १०० रुपैयाँ सस्तियो

काठमाडौं। नेपाली बजारमा सुनको मूल्य तिहारपछि लगातार ओरालो लागेको छ। सुन मंगलबार तोलामा १ हजार ९०० रुपैयाँले सस्तिएको छ।

GBIME
Tata

नेपाल सुनचाँदी व्यवसायी महासंघका अनुसार सुनको मूल्य प्रति तोला २ लाख ६७ हजार २०० रुपैयाँमा झरेको छ। सुनको भाउ सोमबार तोलामा ११०० र आइतबार १५०० रुपैयाँ घटेको थियो।

सुन कात्तिक २३ गते प्रति तोला २ लाख ८४ हजार ३०० रुपैयाँका दरले किनबेच भएकामा तिहार सकिएपछि २७ गते २ लाख ७१ हजार ७०० रुपैयाँमा झरेको थियो।

चाँदीको भाउ घट्ने क्रम पनि रोकिएको छैन। चाँदीको मूल्य मंगलबार तोलामा ३० रुपैयाँ घटेर ३ हजार ४९० रुपैयाँमा आइपुगेको छ। चाँदी कात्तिक २३ गते प्रति तोला ३ हजार ८५५ रुपैयाँका दरले किनबेच भएको थियो।

अन्तर्राष्ट्रिय बजारमा सुनको मूल्य मंगलबार प्रति औंस ३८८२.५९ डलर र चाँदीको भाउ प्रति औंस ४७.७३ डलर छ।