साहस ऊर्जाको नाफा २१.०६ प्रतिशतले वृद्धि, ३ महिनामा कमायो ५९ करोड ९१ लाख

काठमाडौं। आर्थिक वर्ष २०८२/८३ को पहिलो त्रैमासमा साहस ऊर्जाले ५९ करोड ९१ लाख रुपैयाँ खुद नाफा कमाएको छ।

कम्पनीले ३ महिनामा आर्जन गरेको मुनाफा पोहोर सोही अवधिको तुलनामा २१.०६ प्रतिशतले धेरै हो। हाइड्रोपावरले गत वर्ष पहिलो त्रैमासमा ४९ करोड ४८ लाख रुपैयाँ नाफा कमाएको थियो।

विद्युत् उत्पादन बढ्दा कम्पनीले नाफा बढाएको हो। पहिलो त्रैमासमा विद्युत् बिक्रीबाट साहस ऊर्जाले ९५ करोड ३८ लाख रुपैयाँ आम्दानी गरेको छ।

यो रकम पोहोर पहिलो त्रैमासको तुलनामा ३.१६ प्रतिशतले बढी हो।

साहस ऊर्जाको दुई आर्थिक वर्षको पहिलो त्रैमासको वित्तीय स्थिति रुपैयाँमा