नेपाल आयल निगमले अघि बढायो एलपी ग्यास उद्योगहरू गाभ्ने प्रक्रिया

काठमाडौं। नेपाल आयल निगमले एलपी ग्यास उद्योगहरूलाई एकापसमा गाभ्ने प्रक्रिया अघि बढाइएको छ।

उद्योग, वाणिज्य तथा आपूर्तिमन्त्री इन्जिनियर दीपककुमार साहको पहलमा निगमले प्रक्रिया अघि बढाइएको हो।

निगमले चालु आर्थिक वर्ष २०८३/८४ को स्वीकृत नीति तथा कार्यक्रमको बुँदा नम्बर ३२ अनुसार विभिन्न नाम र ब्रान्डमा संचालनमा रहेका एलपी ग्यास उद्योगहरूलाई एकापसमा गाभ्ने नीतिलाई निरन्तरता दिने जनाएको हो।

निगमले गत कात्तिक १२ गते सबै ग्यास उद्योगहरूलाई पत्राचार गर्दै गाभ्ने नीतिलाई प्रोत्साहन गर्न र सोहीअनुसार कार्ययोजना बनाई प्रक्रिया अगाडि बढाउन अनुरोध गरेको थियो।

निगमको यस पहलले ग्यासको बिक्री प्रणालीलाई थप व्यवस्थित, सहज र उपभोक्तामैत्री बनाउन सहयोग पुग्ने अपेक्षा गरिएको छ।