विकास बैंकले तीन महिनामा कमाए १ अर्ब ६७ करोड रुपैयाँ नाफा, घटेन खराब कर्जा

काठमाडौं। चालु आर्थिक वर्ष २०८३/८४ को पहिलो त्रैमासमा राष्ट्रियस्तरका विकास बैंकले खुद नाफा ११३.२५ प्रतिशतले बढाएका छन्। असोज मसान्तसम्म बैंकहरुले १ अर्ब ६७ करोड खुद नाफा गरेका हुन्।

पोहोर यसै अवधिमा विकास बैंकहरुले ७८ करोड ३२ लाख रुपैयाँ नाफा गरेका थिए। ब्याज आम्दानीमा झिनो सुधार भए पनि खासगरी प्रोभिजनिङ (कर्जा नोक्सानी) रकम घट्दा नाफामा बढोत्तरी भएको हो।

असोज मसान्तसम्म ५ वटा बैंकले नाफा बढाउँदा ३ वटाको खुम्चिएको छ। ज्योति विकास बैंकको नाफा सबैभन्दा धेरै १८४.६४ प्रतिशतले वृद्धि भएको छ।

नाफा मुक्तिनाथ विकास बैंकको नाफा ४३.४८, महालक्ष्मी विकास बैंकको २१.४४ र कामना सेवा विकास बैंकको १७.०१ प्रतिशतले बढेको छ। लुम्बिनी विकास बैंकले सबैभन्दा धेरै ३२ करोड ७१ लाख नाफा कमाएको छ।

नाफा सांग्रिला डेभलपमेन्ट बैंकको ६२.१३, शाइन रेसुङ्गा डेभलपमेन्ट बैंकको २.६६ प्रतिशत र गरिमा विकास बैंकको ४.१५ प्रतिशतले घटेको छ।

राष्ट्रियस्तरका विकास बैंकले ब्याज आम्दानी केही बढाएका छन्। पोहोर पहिलो त्रैमासमा ५ अर्ब ४७ करोड ब्याज आम्दानी गरेका विकास बैंकले चालु आवको सोही अवधिमा ५ अर्ब ५७ करोड आम्दानी गरेका छन्।

बैंकहरुको प्रोभिजनिङ रकम घटाएका छन्। पोहोर ३ महिनामा २ अर्ब ५३ करोड रुपैयाँ प्रोभिजनिङ गरेका विकास बैंकले चालु आवको असोज मसान्तसम्म १ अर्ब १३ करोड छुट्याएका छन्।

विकास बैंकहरुको खराब कर्जा बढेको छ। पोहोर असोज मसान्तसम्म ५.७४ प्रतिशत रहेको औसत खराब कर्जा अहिले ५.८१ प्रतिशत पुगेको छ।