सुनको मूल्य प्रति तोला ८०० रुपैयाँ बढ्यो, चाँदीको भाउ सस्तियो, तोलाको कति?

काठमाडौं। सुनको मूल्य तोलामा ८०० रुपैयाँ बढेको छ। नेपाल सुनचाँदी व्यवसायी महासंघका अनुसार सुनको मूल्य मंगलबार प्रति तोला २ लाख ८२ हजार ३०० रुपैयाँ निर्धारण भएको छ।

सोमबार सुन तोलामा ३ हजार रुपैयाँ बढेर २ लाख ८१ हजार ५०० रुपैयाँका दरले किनबेच भएको थियो। सुनको भाउ आइतबार भने तोलाको २ लाख ७८ हजार ५०० रुपैयाँ थियो।

चाँदीको मूल्य भने घटेको छ। चाँदीको मूल्य मंगलबार तोलामा २५ रुपैयाँ घटेर ३ हजार ९७० रुपैयाँमा आइपुगेको छ।

अन्तर्राष्ट्रिय बजारमा सुनको मूल्य प्रति औंस ४००९.४५ र चाँदीको मूल्य प्रति औंस ५३.३५ डलर छ।