माछापुच्छ्रे बैंकको ६% लाभांश पारित, संचालक समिति अध्यक्षमा दोहोरिए रोशन केसी

काठमाडौं। माछापुच्छ्रे बैंकको २८औं वार्षिक साधारण सभा पोखरामा सम्पन्न भएको छ।

साधारण सभाले बैंकको संस्थापक सेयरधनीका तर्फबाट संचालक समितिमा रोशन केसी, मुकुन्द महत र कृति महतोलाई निर्विरोध निर्वाचित गरेको छ।

सर्वसाधारण सेयरधनीका तर्फबाट विश्वप्रकाश गौतमलाई निर्विरोध निर्वाचित भएका छन्। बैंक संचालक समितिको बुधबार नै बसेको बैठकले अध्यक्षमा आगामी ४ वर्षका लागि पुन: रोशन केसीलाई नै चयन गरेको छ।

सभाले बैंकको आर्थिक वर्ष २०८२/८३ को खुद मुनाफाबाट सेयरधनीलाई चुक्ता पूँजीको ६ प्रतिशत लाभांश (करसहित) वितरण गर्ने प्रस्ताव पारित गरेको छ। जसमध्ये ३ प्रतिशत नगद र ३ प्रतिशत बोनस सेयर हो।

बोनस सेयर वितरण पश्चात बैंकको साधारण चुक्ता पुँजी १२ अर्ब ४५ करोड रुपैयाँ पुगेको छ। बैंकले गत आर्थिक वर्ष १ अर्ब ९५ करोड रुपैयाँ खुद नाफा आर्जन गरेको थियो।