बरुण हाइड्रोपावरको लाभांश घोषणा, लगानीकर्तालाई ४.७५ प्रतिशत बोनस सेयर दिने

काठमाडौं। बरुण हाइड्रोपावरले लगानीकर्तालाई गत आर्थिक वर्षको मुनाफाबाट चुक्ता पुँजीको ५ प्रतिशत लाभांश वितरण गर्ने भएको छ।

कम्पनीको सञ्चालक समितिको सोमबार बसेको बैठकले ४.७५ प्रतिशत बोनस सेयर र त्यसको कर प्रयोजनार्थ ०.२५ प्रतिशत नगद लाभांश वितरण गर्ने निर्णय गरेको छ।

कम्पनीले कात्तिक ११ गते एक दिनका लागि बुक क्लोज तोकेको छ भने साधारणसभा कात्तिक २० गते हुनेगरी तोकेको छ।

हाइड्रोपावरको चुक्ता पुँजी हाल १ अर्ब १२ करोड २५ लाख ३२ हजार रुपैयाँ छ। विद्युत नियमन आयोगको स्वीकृति र कम्पनीको आगामी साधारण सभाबाट पारित भएपछि सेयरधनीले प्रस्तावित लाभांश पाउनेछन्।