उद्योग मन्त्रालय मातहत १७ उपसचिवको सरुवा, मन्त्रीको निजी सचिवालयकी सन्ध्या खानीमा

काठमाडौं। उद्योग, वाणिज्य तथा आपूर्ति मन्त्रालय माहतत १७ जना उपसचिवको सरुवा भएको छ। सरुवामा कम्पनी रजिष्ट्रारको कार्यालयका ४ जना परेका छन्।

कार्यालयका रामप्रसाद ज्ञवाली र जेमा सुब्बा मन्त्रालय तानिएका छन् भने अमनकुमार कर्ण र माधवप्रसाद अधिकारीलाई वाणिज्य, आपूर्ति तथा उपभोक्ता संरक्षण विभागमा पठाइएको छ।

सचिव रुद्रसिंह तामाङले बिहीबार गरेको निर्णय अनुसार विभागका तारानाथ लुइँटेल र मनोजकुमार विक पनि मन्त्रालय तानिएका छन्। मन्त्रालयका जोरासिंह माझी र भोलाप्रसाद चापागाइँलाई कम्पनी रजिष्ट्रारको कार्यालय पठाइएको छ।

मन्त्रालयकी सन्ध्या सिग्ले खानी तथा भूगर्भ विभाग र रामकृष्ण श्रेष्ठ उद्योग विभागमा पुगेका छन्। सिग्देल मन्त्रालयमा मन्त्री दीपककुमार साहको निजी सचिवालयमा थिइन्।