मञ्जुश्री फाइनान्सले सेयरधनीलाई २० प्रतिशत लाभांश दिने, बोनस सेयर कति?

काठमाडौं। मञ्जुश्री फाइनान्सले सेयरधनीलाई २० प्रतिशत लाभांश दिने भएको छ।

फाइनान्सको सञ्चालक समितिको बिहीबार बसेको बैठकले चुक्ता पुँजीको ५ प्रतिशत बोनस सेयर र कर प्रयोजनसहित १५ प्रतिशत नगद लाभांश दिने निर्णय गरेको हो।

फाइनान्सको चुक्ता पुँजी हाल १ अर्ब ३५ करोड १५ लाख रुपैयाँ छ। फाइनान्सका सेयरधनीले प्रस्तावित लाभांश नेपाल राष्ट्र बैंकको स्वीकृति र कम्पनीको साधारण सभाबाट पारित भएपछि पाउनेछन्।