सुनचाँदी बजार : सुनको मूल्य प्रति तोला ४ सयले घट्यो, चाँदी ४० रुपैयाँ महँगियो

काठमाडौं। सुनको मूल्य दुई दिनयता लगातार घटेको छ। अघिल्लो दिनको तुलनामा सुन तोलामा ४ सय रुपैयाँले घटेको हो।

नेपाल सुनचाँदी व्यवसायी महासंघका अनुसार सोमबार सुन प्रति तोला २ लाख ९१ हजार ५ सय रुपैयाँ निर्धारण भएको छ।

आइतबार सुन तोलामा २ हजार ९ सय रुपैयाँले घटेर प्रति तोला २ लाख ९१ हजार ९ सय रुपैयाँमा कारोबार भएको थियो।

चाँदीको मूल्य सोमबार तोलामा ४० रुपैयाँ बढेको छ। महासंघका अनुसार चाँदी तोलाको ४ हजार ४३० रुपैयाँ पुगेको छ।

आइतबार चाँदी प्रति तोला ४ हजार ३९० रुपैयाँ थियो।

अन्तर्राष्ट्रिय बजारमा सुनको मूल्य सोमबार प्रति औंस ४१३४.८८ डलर छ। चाँदी प्रति औंस ६०.८९ डलर छ।