सवारीसाधन दर्तामा सहजीकरणका लागि नाइमाको विभागलाई पत्र, ‘प्रशासनिक र आर्थिक भार नहोस्’

काठमाडौं। विपद्का कारण समयमा नै सवारीसाधन दर्ता गर्न नसकेका व्यवसायीहरूको समस्या सम्बोधन गर्न नाइमाले यातायात व्यवस्था विभागलाई आग्रह गरेको छ।

भन्सार जाँचपासपछि सवारीसाधन १५ दिनभित्र सम्बन्धित यातायात कार्यालयमा दर्ता गर्नुपर्ने व्यवस्था छ। तर जोमसोम तथा बेनी क्षेत्रमा आएको बाढी र प्राकृतिक विपद्ले कोरला नाकाबाट भन्सार जाँचपास भएका सवारीसाधन कार्यालयसम्म पुर्‍याउन र समयमै दर्ता गर्न अवरोध गरेको छ।

विपदको विशेष परिस्थितिलाई ध्यानमा राख्दै दर्ताको म्याद थप गर्न र अनावश्यक प्रशासनिक तथा आर्थिक भार नपर्नेगरी सहजीकरण गर्न  नाइमाले विभागसमक्ष आग्रह गरेको हो।