पाँच निर्माण कम्पनी कालोसूचीमा, तीनलाई सडक डिभिजन जुम्लाको कार्बाही सिफारिस

काठमाडौं। सार्वजनिक खरिद अनुगमन कार्यालयले पाँचवटा निर्माण कम्पनीलाई कालोसूचीमा राखेको छ। सार्वजनिक खरिद ऐन, २०६३ को दफा ६३ को उपदफा (१) बमोजिम शुक्रबारको निर्णयानुसार १ देखि ३ वर्षसम्मका लागि कालोसूचीमा राखिएको जारी सूचनामा छ।

कालोसूचीमा पर्नेमा कालीकोटको वटाला निर्माण सेवा, गोरखाको बुढीगण्डकी कन्स्ट्रक्सन एण्ड सप्लायर्स प्रालि र सुर्खेतको विनम्र निर्माण सेवा छन्। यी तीनै कम्पनीलाई ३ वर्षका लागि कालोसूचीमा राखिएको छ।

यस्तै सुर्खेतको ध्रुव निर्माण सेवालाई २ वर्ष र मुगुको अविनास निर्माण सेवालाई एक वर्षका लागि कालोसूचीमा राखिएको छ। कार्बाहीमा परेका कम्पनीमध्ये तीनवटाले सडक डिभिजनको ठेक्कामा सम्जऔताका सर्तअनुसार काम गरेका थिएनन्। विनम्र, ध्रुव र अविनास निर्माण सेवालाई कार्बाहीका लागि सडक डिभिजन जुम्लाले सिफारिस गरेको हो।

यस्तै वटालालाई तिलागुफा नगरपालिकाको कार्यालय र बुढीगण्डकीलाई पूर्वाधार विकास कार्यालय लमजुङले कार्बाही सिफारिस गरेको सार्वजनिक खरिद अनुगमन कार्यालयद्वारा जारी सूचनामा छ।