अमेरिकासँग २.०७ करोड डलर अनुदान लिन मन्त्रिपरिषद्‍को स्वीकृति, वन क्षेत्र प्रयोग गर्न अनुमति

काठमाडौं। स्वास्थ्य सेवा सुधारका लागि अमेरिकाले नेपाललाई २ करोड ७ लाख डलर अनुदान सहायता दिने भएको छ। मंगलबार बसेको मन्त्रिपरिषद् बैठकले अमेरिकाले दिने अनुदान सहायता स्वीकार गर्ने निर्णय गरेको छ।

बैठकले पूर्वपश्चिम राजमार्ग अन्तर्गत कमला-ढल्लेवर-पथलैया सडक, गर्ज्याङ खोला र बलेफी खोला जलविद्युत आयोजनालाई राष्ट्रिय वन क्षेत्र प्रयोग गर्न स्वीकृति दिएको छ।

सरकारका प्रवक्ता सस्मित पोखरेलका अनुसार सशस्त्र प्रहरीलाई पनि तालिम शिक्षालय, गुल्म र सीमा सुरक्षा पोष्ट स्थापना गर्नका लागि राष्ट्रिय वन क्षेत्र प्रयोग गर्न स्वीकृति दिइएको छ।