ग्लोबल आइएमई लघुवित्तको लाभांश घोषणा, ९.५० प्रतिशत प्रतिफलमा बोनस सेयर कति?

काठमाडौं। ग्लोबल आइएमई लघुवित्तले लाभांश घोषणा गरेको छ। कम्पनीले गत आर्थिक वर्षको मुनाफाबाट सेयरधनीलाई ९.५० प्रतिशत लाभांश दिने घोषणा गरेको हो।

कम्पनीको सञ्चालक समितिको सोमबार बसेको बैठकले चुक्ता पुँजीको ६ प्रतिशत बोनस सेयर र कर प्रयोजनसहित ३.५० प्रतिशत नगद लाभांश दिने निर्णय गरेको छ। कम्पनीको चुक्ता पुँजी हाल ६४ करोड ८२ लाख रुपैयाँ छ।

नेपाल राष्ट्र बैंकको स्वीकृति र कम्पनीको आगामी साधारण सभाबाट पारित भएपछि सेयरधनीले प्रस्तावित लाभांश पाउनेछन्।