साताको पहिलो दिन सुनको मूल्य तोलामा ७ सय रुपैयाँले बढोत्तरी, चाँदी पनि महँगियो

काठमाडौं। साताको पहिलो दिन सुनचाँदीको मूल्य बढेको छ। अघिल्लो दिनको तुलनामा सुन तोलामा ७ सय रुपैयाँले वृद्धि भएको हो।

आइतबारका लागि सुनको कारोबार मूल्य प्रति तोला २ लाख ९९ हजार ३ सय रुपैयाँ निर्धारण भएको नेपाल सुनचाँदी व्यवसायी महासंघले जनाएको छ।

शुक्रबार सुनको भाउ घटेर प्रति तोला २ लाख ९८ हजार ६ सय रुपैयाँमा कारोबार भएको थियो।

चाँदीको मूल्य तोलामा ३५ रुपैयाँले बढेर प्रति तोला ४ हजार ६५५ रुपैयाँ कायम भएको छ। शुक्रबार चाँदी प्रति तोला ४ हजार ६ सय २० रुपैयाँ थियो।

अन्तर्राष्ट्रिय बजारमा सुनको मूल्य प्रति औंस ४२८५.२९ डलर छ। चाँदी प्रति औंस ६४.३ डलर भएको छ।