प्रतिनिधिसभाको बैठक ११ बजे बोलाइएपछि ४ वटा विषयगत समितिका बैठक स्थगित

काठमाडौं। प्रतिनिधिसभाको बैठक ११ बजेका लागि बोलाइएपछि विषयगत समितिका बैठक स्थगित भएका छन्।

संसद् सचिवालयका अनुसार कार्यबोझका आधारमा बुधबारको प्रतिनिधिसभाको बैठक ११ बजे नै बोलाइएको हो।

सामान्यतया संसद् बैठक १ बजे बोलाउने गरिएको छ। बैठक ११ बजे नै बोलाएपछि अर्थ, पूर्वाधार विकास, राज्य व्यवस्था तथा सुशासन र शिक्षा, स्वास्थ्य तथा सूचना प्रविधि समितिको बैठक स्थगित भएका हुन्।

विषयगत समितिहरुले आज बैठक राखेर सदस्यहरुलाई उपस्थितिका लागि सूचित गरेका थिए। अचानक प्रतिनिधिसभा बैठक हुने भएपछि समितिका बैठक स्थगित गरिएका हुन्।