भाटभटेनी सुपरमार्केट खरानीबाट पुरानै अवस्थामा, टंगालस्थित स्टोर आयो सञ्चालनमा

काठमाडौं। जेनजी आन्दोलनमा खरानी बनाइएको एक वर्षपछि काठमाडौंको टंगालस्थित भाटभटेनी सुपरस्टोर पुनः संचालनमा आएको छ।

भाटभटेनी समूहका अध्यक्ष मीनबहादुर गुरुङले आन्दोलनमा क्रममा आगजनी गरेर क्षतविक्षत पारिएको स्टोर पुनर्निर्माण गरी सोमबारबाट पुन: सञ्चालनमा ल्याएका हुन्।

आगजनीले ध्वस्त पारिएका आफ्ना १२ स्टोरमध्ये पुन: स्टोर सञ्चालनमा आएको भाटभटेनीको यो १०औं स्टोर हो।

दमक र हेटौंडाका स्टोर पनि छिट्टै संचालनमा ल्याउने भाटभटेनी सुपर मार्केटका प्रमुख संचालन अधिकृत पानु पौडेलले जानकारी दिए।

भाटभटेनीले कोटेश्वरस्थित स्टोर पाँच महिनामै पुनर्निर्माण गरेर पुन: सञ्चालनमा ल्याएको थियो।