बाढी प्रभावितको पुनर्स्थापनाका लागि एनएसीका कर्मचारीको ९८ लाख ३५ हजार सहयोग

काठमाडौं। नेपाल वायुसेवा निगम (एनएसी)ले बाढी प्रभावितको पुनर्स्थापनाका लागि सरकारलाई करिब एक करोड रुपैयाँ सहयोग गरेको छ।

एनएसीले आफ्ना कर्मचारीको तलबबाट कट्टा गरेर ९८ लाख ३५ हजार ९७६ रुपैयाँ सहयोग गरेको हो।

सहयोग रकमको चेक एनएसीका निमित्त महाप्रबन्धक जनकराज कालाखेतीले बिहीबार पर्यटन तथा नागरिक उड्डयनमन्त्री खडकराज पौडेललाई बुझाएका छन्।