तीजको अवसरमा सोमबार बिहान ३ बजेदेखि नै पशुपति मन्दिरको ढोका खुला हुने

काठमाडौं । सोमबार हरितालिका तीजको अवसरमा पशुपति क्षेत्र विकास कोषले सम्पूर्ण तयारी पूरा भएको जनाएको छ।

तीज पर्वको दिन बिहानैदेखि पशुपति क्षेत्रमा भक्तजनको घुइँचो लाग्ने गर्छ। भोलि बिहान ३ बजेदेखि नै पशुपतिका चारवटै ढोका भक्तजनका लागि खुल्ने कोषले जनाएको छ।

पशुपति दर्शनका लागि मित्रपार्क, गौशाला-जयवागेश्वरी, सिनामंगल, पिंगलास्थानबाट भक्तजन आउने व्यवस्था मिलाइएको छ। मेला क्षेत्र र दर्शनार्थीको सुरक्षालाई ध्यानमा राख्दै नेपाल प्रहरी, सशस्त्र प्रहरीसँगै काठमाडौं महानगर प्रहरी पनि खटाइनेछ।

दर्शनका लागि आउनेहरुलाई भण्डारखाल, सिफल चौर र उमाकुण्ड क्षेत्रमा पार्किङको व्यवस्था गरिएको छ।